နှင်းဆီဝါတို့ နီစွေးစေ(နွင္းဆီဝါတို ႔နီေစြးေစ)completed
26
မနက္ခင္း ေနအေတာ္ျမင့္ခ်ိန္ေလာက္မွ
ဦးခ်ီ အိပ္ယာနိုးလာခဲ့ေလသည္။ ေဘးမွာ အိပ္ေနတဲ့ ေသာ္ကေတာ့ ေျခကာယား လက္ကားယားျဖင့္ နွစ္ၿခိဳက္စြာအိပ္ေမာက်ေန၏။ အက်ၤ ီေလးသည္ မေန႔ညက ဦးခ်ီ အထက္က္ု လွန္တင္ ကာ ဗိုက္ကိုပြတ္ေပးထားသည္မို ႔
ျဖဴေဖြးေဖြးဗိုက္သားျပင္က ခုထိ အဝတ္မကပ္ပဲျမင္ေနရဆဲ။
ထိုပံုစံေလးကို အေတာ္ၾကာ ၿပံဳးလ်က္ ထိုင္ၾကည့္ပီး ဦးခ်ီ သေဘာက်လို ႔ေန၏။ ထို ႔ေနာက္
အထက္လွန္တင္ထားေသာ အက်ၤ ီေလးကိုျပန္ခ်ေပးကာ ျခင္ေထာင္ထဲကေနအရင္ထြက္လိုက္သည္။
ဒီေန ႔ ႐ြာကခ်ီးထုပ္သူငယ္ခ်င္းတစ္စုေရာက္လာၾကမွာမို ႔ မ်က္နွာသစ္ၿပီး ထမင္းတအိုးတည္ထားလိုက္သည္။
ခါတိုင္း နွစ္ဗူး သာ ခ်က္ရေသာ ထမင္းမင္းအိုးေလးသည္ ယေန႔တြင္ ေလးဗူးေမာက္ေမာက္ အျဖစ္ ေျပာင္းသြားေလသည္။
အိမ္က ကုန္ကားနဲ ့လိုက္လာမွာဆိုေတာ့
မန္းေလးကို မနက္စာ မစားခင္ ေရာက္လာနိုင္သည္။
အရင္ဆံုး ေသာ္ မနိုးခင္ အိမ္ေပၚတက္ပီး
တံျမတ္စည္းလွည္းေပးလိုက္တယ္။
ေရာက္ေရာက္ျခင္းထိုးလွဲအိပ္မဲ့ ေကာင္ေတြမွန္းဦးခ်ီသိသည္မို ႔ တြက္ကပ္မေနပဲ
ခပ္သြက္သြက္လုပ္ေပးလိုက္၏။
။ အေပၚထပ္သည္ တကယ္ေတာ့ သိပ္ႀကီးရွင္းလင္းစရာမရွိ။
ဘုရားခန္း ေရွ ႔မွာ ေဟာခန္းက်ယ္ႀကီးသာရွိၿပီး အခန္းဟူ၍ ေလွကားအတက္က အခန္းက်ယ္ႀကီးတစ္ခန္းသာရွိ၏။
၁၅မိနစ္ခန္႔လွည္းက်င္းၿပီးေနာက္ အေတာ္ေျပာင္ရွင္းသြားပီမို ႔ေအာက္ကိုေျပးရျပန္သည္။
ခန္ ႔မွန္းထားတဲ့အတိုင္း ထမင္းအိုးကေတာ့ က်က္ေနျဖစ္၏။ ဟင္းကေတာ့ ထူးေထြ စီစဥ္စရာမရိွ၍ မေန ႔က ေသာ္ ေျပာထားတဲ့ ကုလားပဲေၾကာ္ (ဗယာေၾကာ္ ) ကို ခရမ္းခ်ဥ္သီးေလးနဲ ့ ျပန္ခ်က္ေပးမည္။
က်န္တာေတာ့အ႐ြက္ေၾကာ္တခြက္နဲ ့ ခ်ဥ္ဟင္းေလးခ်က္လိုက္ရင္ အဆင္ေျပ၏။
နွစ္ေယာက္ထဲရွိသည္မို ႔ကုန္က်စရိတ္က သိပ္ႀကီးေတာ့မမ်ားလွ။ မၾကာခင္
ေသာ္ကလည္းေက်ာင္းတက္ရေတာ့မည္။
ခုထိသူ ႔မွာ ဘာလုပ္ရမလဲ ေတြးလို ႔ေတာင္မရေသးေပ။
တကယ္က် ဦးခ်ီ နည္းနည္း စြန္ ႔စားဖို ႔ေၾကာက္ေနျခင္းသာျဖစ္သည္။ လက္ထဲမွာရွိတဲ့ ပိုက္ဆံကလည္းဒီလေတြမွာ စားတာေသာက္တာနဲ ့ ၃၈သိန္းစြန္းစြန္းသာက်န္ေတာ့သည္။ ဒါေတာင္ သူတို ႔နွစ္ေယာက္ ေခြၽေခြၽတာတာ စားေနလို ႔။
မျဖစ္ေတာ့ဘူး သူတခုခုေတာ့ လုပ္မွပင္။
ဒီလမ္းေပၚေတြက စီးပြားေရးလုပ္ဖို ႔သင့္ေတာ္တယ္ဆိုေပမဲ့ ဦးခ်ီ ျမင္ရသေလာက္ေတာ့ အဝတ္အထည္နဲ ့ မုန္ ႔ဆိုင္၊အလွျပင္ဆိုင္ေတြ သာေပါေနသည္။
တကယ့္လက္ေတြ ႕ဘဝမွာ မင္းထင္သေလာက္မလြယ္ဘူးဆိုတာ ပါးပါးအၿမဲေျပာေနၾက။ ဟုတ္တယ္ တကယ္လည္း မလြယ္လွပါဘူး။ ေျမစမ္းခရမ္းပ်ိဳး ဆိုသလို
စမ္းလုပ္ၾကည့္ရင္းရွိတာေလးေျပာင္သြားမွာလဲ စိုးရ၏။ သူလုပ္မယ္ဆိုရင္ေတာင္ အရင္းမမ်ားတာနဲ ့ လူစိတ္ဝင္စားတာကိုသာေ႐ြးခ်ယ္သင့္သည္။
သူဘာလုပ္ရမလဲ ...
အလုပ္အေၾကာင္းကိုေတြးမိေတာ့
ေခါင္းက ေနွာက္က်ိ သြားသလို ...
အင္း သူေလက်ယ္မိတာ မွားၿပီထင္တယ္
စိတ္ညစ္တဲ့ၾကားမွ ၿပံဳးရင္း ပိုက္ဆံတစ္ေထာင္ အက်ၤ ီအိတ္ထဲထည့္ကာ သံုးအိမ္ေက်ာ္က အေၾကာ္ဆိုင္ဆီ ေျပးရသည္။
ဟိုေရာက္ေတာ့ မိန္းကေလး တခ်ိဳ ႕ရပ္ေစာင့္ ေနတာေတြ ႕သည္ ေၾကာင့္
အေၾကာ္ ၅၀၀ဖိုး မွာကာ မလွမ္းမကမ္းမွာရပ္ေစာင့္ေနလိုက္သည္။
"ဟဲ့ ဟိုမယ္ အညိဳစင္ေလး ၾကည့္ပါအုန္း
ခ်စ္စရာႀကီးေတာ့ "
"ေအးသြားၾကည့္ေန ရွမွာေတာ့မျမင္ဘူး "
"ဘာရွတာလဲ "
"ဟယ္ နင္မသိဘူးလားအဲ့ဒါ ငါတို ႔အေဆာင္ရဲ႕ဟိုဖက္ကၿခံကေလ "
"ဒါဆို ဟိုေကာင္ေလးလား"
"ေအး "
" နွေျမာစရာေလးဟယ္ နီးနီးကပ္ကပ္ၾကည့္မွ ပိုေခ်ာသလိုပဲ ၊ ေယာက်ာ္ပီပီသသ
ဒီလို အဆင္ေလးေတြက ရွားတယ္ဟ "
"မေၾကာက္မ႐ြံ ေျပာရဲေနတာ အေဆာင္ေပၚက ဖူဂ်ီ ဆိုလား ဘာဂ်ီဆိုလား ေျပာေနတဲ့ ေကာင္မေလးေတြ သိရင္ နင္ေတာ့
တစစီျဖဳတ္ခံရမွာေသခ်ာသေလာက္ပဲ "
" ဟဲဟဲ အဲ့ဒါေတာ့ ေၾကာက္တယ္ေလဟာ။
သူ႔ကို ေသခ်ာမွတ္ထားလိုက္ၿပီ ေနာက္တခါမၾကည့္ေတာ့ဘူး ။အဲ့ဒါ မစားေကာင္းတဲ့အသီးႀကီး"
သူ ႔ကို ၾကည့္ေနကာ စကားေျပာေနၾကဟန္ရွိတဲ့ မိန္းကေလး သံုးေယာက္ေၾကာင့္
ဦးခီ် စိတ္မသက္မျဖစ္ျဖစ္လာ၏။
ထို အခ်ိန္မွာပဲ ကယ္တင္ရွင္ အေၾကာ္သည္အမႀကီးမွ ေမာင္ေလး အေၾကာ္ရပီေနာ္ဆိုတဲ့ အသံက ထီသိန္းတစ္ေသာင္းဆုေပါက္လိုက္သလိုပင္။ အေျပးအလႊား ပိုက္ဆံေပးကာ လွည့္မၾကည့္ပဲ အိမ္ကို အျမန္ျပန္လာခဲ့လိုက္သည္။
ေတာ္ေသးတယ္ အိမ္က နီးနီးေလးမို႔လို႔သာ ..
သူျပန္လာေတာ့ အိမ္ေရွ ႔က ဖုန္းဆိုင္ေတာင္ ဆိုင္ျပန္ဖြင့္ေနၿပီ။ ေသာ္ကေတာ့ ဒီခ်ိန္ မထေလာက္ေသး။ ဒီဆိုင္ေရွ ႔မွာ ဦးခ်ီအၿမဲ ျဖတ္သြားျဖတ္လာလုပ္ေပမဲ့ ေသခ်ာမၾကည့္ဖူးခဲ့မိေပ။ ဘာရယ္မဟုတ္
လက္ထဲက အေၾကာ္ထုပ္ကို ဆြဲၿပီး သူ
ဖုန္းဆိုင္ကို ခုမွစပ္စုေနမိ၏။
ဆိုင္ခန္းသီးသန္ ႔ေဆာက္ေပးထားတာမို ႔
လံုးခ်င္း အိမ္ေသးေသးျဖစ္ကာ ဆိုင္ အေနထား အေတာ္ေလးလွတဲ့ပံုျဖစ္ေနသည္။
မ်က္နွာသာ အျပည့္ မွန္အၾကည္ေတြ ကာရံထားကာ အတြင္းကို အကုန္ျမင္ေနရတဲ့ အေနထားသည္ အေတာ္ေလး
ဖုန္းဆိုင္ကို ဆြဲေဆာင္မူ ႔ရွိသလိုပင္။
ထို ႔ေၾကာင့္ ဒီလမ္းမႀကီးေပၚမွာမဟုတ္ေပမဲ့
အျပင္အဆင္လွသည္ေၾကာင့္ ဖုန္းဆိုင္ေလးသည္ ဆိုင္ႀကီးမဟုတ္ပဲနဲ ့ေတာင္ ေရာင္းေကာင္းတာျဖစ္သည္။
ဦးခ်ီ ဒါကိုလည္း သင္ခန္းစာယူလိုက္တယ္။
စီးပြားေရးလုပ္မယ္ဆိုရင္ လူစိတ္ဝင္စားေအာင္ အျပင္အဆင္ ကလည္း အဓိကက်တယ္ဆိုတာ ပင္။
" ေစ်းဝယ္ျပန္လာတာလား ငါ့တူ "
"ဟုတ္ကဲ့ ဦးေလး "
အထဲကေန မွန္တံခါးကိုတြန္းကာ ထြက္လာတဲ့ ဆိုင္ပိုင္ရွင္ဦးေလးကို မ်က္မွန္းတန္းမိေနတာမို ႔ ရပ္ကာ နႈတ္ဆက္လိုက္သည္။
" အေတာ္ပဲ သားေရ ဦးေလး ဒီေန ႔
ဆိုင္ခန္းကိစၥလာေျပာမလို ႔စိတ္ကူးေနတာ လမ္းႀကံဳတုန္းေျပာရအုန္းမယ္။ အထဲဝင္ပါဦးလား "
"မဝင္ေတာ့ဘူး ဦးေလး ။ ဘာေျပာခ်င္လို႔လဲဗ် အားမနာပဲေျပာလို႔ရပါတယ္ "
"တျခားမဟုတ္ဘူး ငါ့တူရာ။ ဒီလကုန္
ရင္ အရင္ခ်ဳပ္ထားတဲ့ နွစ္ခ်ဳပ္စာခ်ဳပ္ကုန္ၿပီဆိုေတာ့ အဲ့ဒါ ေနာက္နွစ္အတြက္ ထပ္မခ်ဳပ္ျဖစ္ဘူးဆိုတာေလးေျပာမလို႔ပါ "
" အဆင္မေျပျဖစ္လို႔လားဗ် "
"မဟုတ္ဘူး အဆင္ေျပပါတယ္။
ေဖာက္သည္ေတြနဲ ့နာမည္ေတာင္ရေနပီ
အဆင္မေျပစရာလားငါ့တူရာ။ ဆိုင္ခန္းအခက္အခဲေၾကာင့္မဟုတ္ပါဘူး ..
သားျဖစ္တဲ့သူက မိုးကုတ္သူနဲ ့အိမ္ေထာင္က်သြားတာေလ။အဲ့ဒါ ဒီဆိုင္ေလးကို
ဟိုမွာေျပာင္းဖြင့္မလို ႔ေျပာလာလို႔ပါ "
"ေအာ္ ..ဟုတ္ကဲ့ ဦးေလး"
ဦးခ်ီ စိတ္မေကာင္းျဖစ္သြား၏
ဘာပဲေျပာေျပာ ဆိုင္အငွားတင္ထားတဲ့ ဖုန္းဆိုင္ကရတဲ့ ပိုက္ဆံက တစ္နွစ္တစ္နွစ္
နည္းတာမဟုတ္ ။ မဖြင့္ျဖစ္ေတာ့ရင္
ေနာက္အငွားထပ္တင္ရမွာေပါ့ ဘယ္တက္နိုင္မလဲေလ...
ၿခံတံခါးဖြင့္ေနတဲ့လက္ေတြသည္ အသြားတုန္းကလိုေတာ့ သြက္လက္မေနေတာ့ပါ။
ေလာကဓံသည္ ယခုမွ အစရွိေသးတယ္ဆိုေပမဲ့ ဦးခ်ီကေတာ့ အေတာ္ေလးေမာဟ သြားပါသည္။
သူယခင္ေတြးထားတဲ့စိတ္ကူးသည္
ဒီနွစ္အငွားတင္တဲ့ပိုက္ဆံကို ဘိုးဘိုးကို မေပးေတာ့ပဲ သူယူမယ္လို ႔ေတြးထားခဲ့တာျဖစ္သည္။
အင္း လြယ္လြယ္ရတဲ့ပိုက္ဆံက သူနဲ ့မထိုက္တန္ဘူးထင္ပါတယ္....
" ေဟ့ေကာင္ ေဖ့သား ..ဒီမွာ မင္းဦးရီးေတာ္ေတြ ေရာက္ပီကြ "
ဆူဆူညံညံ အသံမ်ားနဲ ့အတူ သံုးဘီးတစီးနဲ ့ဆိုင္ကယ္ နွစ္စီးက ၿခံေရွ ႔လာရပ္သည္။ ေအာင္မာ ဘြတ္ေတြ ရႊတ္ေတြနဲ ့
သံေခ်ာင္းတို ႔တေတြ အပီအျပင္ ၿမိဳ ႕သားေယာင္ေဆာင္လာၾကတဲ့ပံုေတြၾကည့္ပီး စိတ္ညစ္တာေတာင္ေပ်ာက္သြား၏။
" ေရာက္လာၾကပီလား ေစာသားပဲ မင္းတို ႔"
"ေစာမွာေပါ့ ဦးေလးေကာင္းကို
ငါတို ႔ေတြကို သံုးနာရီေလာက္ကတည္းက ကားထြက္ေပးဖို ႔သြားဂ်ီတိုက္ထားရတာ ။
မန္းေလးလာခ်င္တာ တပိုင္းကိုေသလို ႔။
ဟီး ...ေဘးက အေဆာင္က မိန္းကေလးအေဆာင္ထင္တယ္ ။ ဟိုမွာ ေကာင္မေလးတစ္ေယာက္ ျပတင္းေပါက္မွာရပ္ေနတယ္"
လြင္ဦး စကားေၾကာင့္ ေခါင္းအကုန္သည္
တဖက္အေဆာင္ဆီသို ႔ေရာက္ကုန္ၾကသည္။ နွာဗူးေကာင္ေတြ တသိုက္ကိုမ်က္ေစာင္းခဲကာ
"ေအး အဲ့အခ်ိဳးေတြ ေသာ့္ေရွ ႔ၾကပ္ၾကပ္လုပ္၊ ဟုိက စိတ္က လက္တဆစ္နဲ ့ေတြ ႕ၾကအုန္းမယ္မင္းတို ႔ေတာ့ "
"ပါလာျပန္ပီ ၊ မင္းမယားေလးကို မင္းပဲေၾကာက္ ၊ ငါတို ႔ကေတာ့ဘယ္သူဘာေျပာေျပာ တကၠသိုလ္ဘဝကို စိတ္ႀကိဳက္ကဲမွာပဲ "
"ဟိတ္ေကာင္သံေခ်ာင္း တိုးတိုးလုပ္စမ္း ၊ ေသာ္ေနမေကာင္းလို ႔အိပ္ေနတယ္ မင္းအသံႀကီးနဲ ့"
" -ီးသံေခ်ာင္းလား ။ ငါ့နာမည္ ျမင့္ျမတ္ဟိန္းကြ ျမင့္ျမတ္ဟိန္း ၊ တခါထဲဟိုေကာင္ေတြ ကိုမွာထားလိုက္မယ္ ။ ဒီေျမ ၊ဒီေရေပၚမွာ ငါ့ကို သံေခ်ာင္းလို ႔ထပ္မေခၚၾကနဲ ့ေနာ္ ။ အသက္ခ်င္းလဲပစ္လိုက္မယ္ ဘာမွတ္ေနလဲ"
ေျဖာင္း !
တိုးသိန္း ရဲ႕ လက္သံကအေတာ္ေျပာင္သည္ ။ ငိုက္ခနဲ ျဖစ္သြားေသာ သံေခ်ာင္းေခၚ ျမင့္ျမတ္ဟိန္း တစ္ေယာက္ စကားဆက္မေျပာရဲေတာ့။
" ေတာ္ေတာ့ ေသာက္စကားေတြေလ်ာ့ပီး
အိ္တ္ေတြ ခ် ေတာ့။ ဟိုမယ္မင္းပေထြးက
ေစာင့္ရတာ စိတ္မရွည္ေတာ့လို ႔ေျပာေနပီ "
ဦးခ်ီ ထိုအုပ္စုကို ပစ္ကာ အိမ္ထဲဝင္လာခဲ့လိုက္သည္။
လက္ထဲ အေၾကာ္ထုပ္ေလးကေတာ့ ေအးစက္စျပဳေနေပမဲ့ ျပန္ခ်က္မွာမို ႔ ျပသနာေတာ့မရွိ..
တိုင္ငုတ္မွာ ခ်ိတ္ၿပီး မီးဖိုေခ်ာင္ထဲက အထြက္ ေသာ္က ေရခ်ိဳးၿပီး ျပန္လာတာနဲ ့ဆံု၏။
" ေရေတြ ခ်ိဳးလာတာလား ေသာ္ "
"အင္း ၿငီးစိစိ ျဖစ္ေနလို ႔။ အသံေတြၾကားတယ္ မင္းသူငယ္ခ်င္းေတြေရာက္လာပီလား "
"ဟုတ္တယ္ လူက အထဲမေရာက္ေသးဘူးအသံေတြကေတာ့ ၾကားတဲ့အတိုင္းပဲ။
လာ လာ အေအးပတ္မယ္ "
ပုဆိုးေရဝတ္လဲထားေပမဲ့ အနည္းငယ္ေတာ့ စိုထိုင္းေသးသည္။ အက်ၤ ီမပါပဲ တဘတ္ႀကီးႀကီးခ်ံဳ ထားတဲ့ ယေသာ္လင္း သည္ ျဖဴေဖြးေဖြးေလးမို ႔ ဦးခ်ီ အျမန္အခန္းထဲ ဆြဲထည့္လိုက္၏။
"သြက္သြက္လဲ ေသာ္ ။ ငါ မနက္စာကို
ညက လုပ္ထားတဲ့ ေပါင္မုန္ ႔ေလးကို
ၾကက္ဥနဲ ့ျပန္ေၾကာ္ေပးမယ္ "
" ကိုကို ႔ကို အရမ္းခ်စ္ "
အခန္းထဲက ေျပာင္စပ္စပ္အသံကိုေက်ာခိုင္းကာ မီးဖိုေခ်ာင္ထဲျပန္ေျပးရျပန္သည္။
ဟိုေကာင္ေတြကေတာ့ ဘာစားစား
သူကေတာ့ နွစ္ေယာက္စာပဲလုပ္မည္ ပိုေတာ့မလုပ္ေပးနိုင္ ၊ ဆီ ကုန္၊ ဆားကုန္နဲ ့။
" ပံုညာ ငါတို ႔အတြက္ဘာရွိလဲ ဗိုက္ဆာတယ္ "
"ဘာမွမရွိဘူး အျပင္မွာ မုန္ ႔ဆိုင္ေတြေပါတယ္ သြားဝယ္စား "
လွည့္မၾကည့္ပဲ ဦးခ်ီေျပာေတာ့ ထိုေကာင္ေတြထံက မေက်မနပ္သံေတြ ထြက္လာ၏။
" မင္းကေတာ့ တကယ့္ေကာင္ပဲ။
ေအးပါ မင္းအေၾကာင္းသိလို ႔အိမ္က အကုန္ထည့္လာတယ္။ ဟိုေကာင္ တင္ေမာင္ညႊန္ ႔ သူ ႔အိမ္က ေပးလိုက္တာဟာေတြ ထုတ္မေပးနဲ ့ "
သံေခ်ာင္းရဲ႕ ညစ္က်ယ္က်ယ္ စကားကို
ဦးခ်ီ ဒယ္အိုးထဲ ေပါင္မုန္ ႔ျပန္ဆယ္ပီးမွ
ထိုေကာင္ေတြဖက္လွည့္ကာ
" သက္ပံုထည့္ေပးလိုက္တဲ့စာရင္း ငါအကုန္သိတယ္။ ခုထုတ္လိုက္စားပြဲေပၚကို ငါးေျခာက္ေၾကာ္ ၊ ေသာ့္ အတြက္ ပုဇြန္ထုတ္ေၾကာ္ ၊ ၾကက္သားေၾကာ္ နဲ ့
မာလကာသီး တစ္ဖာ ၊ မေပးခ်င္ရင္ အိမ္ေပၚကဆင္းၾက "
" ခ်ီးပဲ ပံုညာဦးခ်ီ "
ဆဲသံေတြ တသီႀကီးထြက္လာေတာ့သည္။ ထို ႔ေနာက္မေက်မနပ္ မ်က္နွာမ်ား
ျဖင့္ သယ္လာခဲ့တဲ့ အထုတ္အပိုးေတြကိုထုတ္ေပးၾကသည္။
" မင္းမိန္းမေလးေရာ မျမင္ပါ့လား "
"ဟိုမယ္ လာေနၿပီ "
ေမးေငါ့ျပလိုက္ေတာ့ ငါးေယာက္သမား
ပါးစပ္ပိတ္သြားၾကသည္။
ဦးခ်ီ တိတ္တခိုးရယ္လိုက္မိတယ္။
ေသာ့္ကိုေတာ့ ဒီေကာင္ေတြအကုန္ေၾကာက္ၾကတာကို သူသိသည္။
" ေရာက္တာ ေစာသားပဲ။ ကိုကို ငါဗိုက္ဆာၿပီ "
"ok ခဏေစာင့္ "
သူတို ႔အကုန္လံုးကို ဝတ္ေက်တမ္းေက်တာ နႈတ္ဆက္ရုံလုပ္သြားတဲ့ အျဖဴ ေကာင္ေသးေသးကို သံေခ်ာင္းတို ႔အုပ္စု မေက်နပ္ေပမဲ့ တစ္ေယာက္မွျပန္မေျပာရဲၾက။
" ဒီမွာေနမယ္ဆိုရင္ စည္းကမ္းခ်က္ေတြရွိတယ္။ အိမ္သန္ ႔ရွင္းေရး၊မီးဖိုေခ်ာင္ ၊
ကိုကို ႔ကိုပဲ မင္းတို ႔ခိုင္းဖို ႔မစဥ္းစားနဲ႔
အကုန္ေဝမ်ွ လုပ္ေပးၾကပါ။ ၿပီးေတာ့ မီးတာခ တက္မွာမို ႔ ပန္ကာ တစ္လံုးပဲ သံုးခြင့္ရွိမယ္။ အေပၚထပ္မွာ မင္းတို ႔ႀကိဳက္သလို ေနလို႔ရတယ္ ဒါေပမဲ့ စားဖို ႔အတြက္ ကိုယ့္ဘာသာခ်က္ရင္ခ်က္.. အဲ့လိုမွမဟုတ္ရင္ တစ္ေယာက္တလွည့္ ဝင္ခ်က္ေပးလည္းရတယ္ ။ ဆန္ ၊ဆီ ၊ဆား အကုန္မ်ွခံေပးၾကပါ ငါတို ႔ကိုယ္တိုင္
ဘာအလုပ္မွမရွိေသးေတာ့ ခက္ခဲေနလို႔"
ယေသာ္လင္းတခါထဲ အျပတ္ေျပာလိုက္သည္။ မဟုတ္ရင္ ေနာင္တခ်ိန္ စကားေတြထပ္ေျပာေနရရင္ သူငယ္ခ်င္းေတြ အမုန္းပြားၾကမွာသူမလိုခ်င္ပါ။
ကိုကို ႔သူငယ္ခ်င္းေတြမို ႔ အျမင္မၾကည္တာမ်ိဳးမရွိေပမဲ့ သူတို ႔ကိုယ္တိုင္ေတာင္ မနည္းရပ္တည္ေနရတာမို ႔ပင္။
"သိတယ္ မင္းေျပာတာမခံခ်င္လို ႔ကို အိမ္က လာကတည္းကအကုန္ပါခဲ့ၿပီးသား
ဟိုေကာင္ သံေခ်ာင္းထုတ္ျပလိုက္စမ္း"
"ျမင့္ျမတ္ဟိန္းလို ႔ေခၚပါဆို ဒီမသာကေသေတာ့မယ္ "
သံေခ်ာင္း သူ႔နာမည္ေၾကာင့္အေတာ္ေလးစိတ္ညစ္ေနပါသည္။ ဘာေၾကာင့္အိမ္ကမိဘေတြက ခ်စ္စနိုးနာမည္ကို တျခားလွတာ မေပးလဲဆိုတာ စဥ္းစားလို႔ေတာင္မရ။ ေနာင္တခ်ိန္ ရည္းစားရွိလာခဲ့ရင္ ေကာင္မေလးေရွ ႔မွာ သံေခ်ာင္းလို ႔မ်ားအေခၚခံလိုက္ရရင္ ရွက္ဖြယ္ပင္။
မေပ်ာ္ေတာ့တဲ့ စိတ္ကေလးကိုဆြဲဆန္ ႔ၿပီး
ပါလာတဲ့ ဆန္အိတ္နဲ ့ဆီပံုးကို မီးဖိုခန္းေထာင့္ကို သြားပံုေပးလိုက္ၾကသည္။
" ဆန္၊ဆီ အကုန္ပါတယ္။ ငါတို ႔က
မခ်မ္းသာေပမဲ့ အကုန္ ေခ်ာင္ေခ်ာင္လည္လည္ေနနိုင္တဲ့သူေတြႀကီးပဲ။ အေဆာင္မေနဘူးဆိုတာကလည္း ဒီမွာလြတ္လြတ္ေနခ်င္တာေၾကာင့္ပါ။ မပူနဲ ့ မီတာခလည္းငါတို ႔မ်ွခံေပးပါ့မယ္။ပန္ကာေတာ့ နွစ္လံုးသံုးပါရေစကြာ ၊ သိတဲ့အတိုင္ မင္းတို ႔ၿမိဳ ႕က ငါတို ႔႐ြာလိုေလဝင္ေလထြက္ကေကာင္းတာမဟုတ္ဘူး အသက္ရူၾကပ္လို ႔ေသရခ်ည္ရဲ႕ "
သံေခ်ာင္းစကားကို ဦးခ်ီလက္ခံပါသည္။
ထို ႔ေၾကာင့္ ေခါင္းညိမ့္ကာ
" ဒါဆို အဆင္ေျပတယ္ ။ ေျပာစရာစကားမရွိေတာ့ဘူး ၊ အေပၚမွာ သန္႔ရွင္းေရးလုပ္ထားၿပီးသား သြားနားၾကေတာ့ "
တစ္ေယာက္တစ္ေပါက္ေအာ္ဟစ္ကာ အေပၚတက္သြားၾကာတာကို ေငးေနရင္း
ေအးစိမ့္စိမ့္ ပတ္ဝန္က်င္ေၾကာင့္ ဦးခ်ီ အလန္ ႔တၾကားလွည့္ၾကည့္လိုက္၏။
ေသာ္သည္ စာေပၚမွာတင္ထားေသာ
သူ ႔လက္ေတြ ကိုလက္သီးစုတ္ထားၿပီး
မီးဝင္းဝင္းေတာက္ေနေသာ မ်က္လံုးေတြျဖင့္ သူ ႔ကိုၾကည့္ေနတာျဖစ္သည္။
ထို ႔ေနာက္ ႀကီးမားေသာ အင္အားျပည့္ေလလိုင္းတခုသည္ ေအာက္ထပ္က ထမင္းစားခန္းတစ္ခုလံုးကိုလႊမ္းၿခံဳ၍ သြားေလ၏။
"ကိုကို !!!! "
သြားၿပီ သူေတာ့ ..
ခ်စ္တဲ့အိမ္စည္။
( Vote Vote 😁 ေမ့ေနမွာစိုးလို ႔)
မနက်ခင်း နေအတော်မြင့်ချိန်လောက်မှ
ဦးချီ အိပ်ယာနိုးလာခဲ့လေသည်။ ဘေးမှာ အိပ်နေတဲ့ သော်ကတော့ ခြေကာယား လက်ကားယားဖြင့် နှစ်ခြိုက်စွာအိပ်မောကျနေ၏။ အင်္ကျီလေးသည် မနေ့ညက ဦးချီ အထက်က်ု လှန်တင် ကာ ဗိုက်ကိုပွတ်ပေးထားသည်မို့
ဖြူဖွေးဖွေးဗိုက်သားပြင်က ခုထိ အဝတ်မကပ်ပဲမြင်နေရဆဲ။
ထိုပုံစံလေးကို အတော်ကြာ ပြုံးလျက် ထိုင်ကြည့်ပီး ဦးချီ သဘောကျလို့ နေ၏။ ထို့ နောက်
အထက်လှန်တင်ထားသော အင်္ကျီလေးကိုပြန်ချပေးကာ ခြင်ထောင်ထဲကနေအရင်ထွက်လိုက်သည်။
ဒီနေ့ ရွာကချီးထုပ်သူငယ်ချင်းတစ်စုရောက်လာကြမှာမို့ မျက်နှာသစ်ပြီး ထမင်းတစ်အိုးတည်ထားလိုက်သည်။
ခါတိုင်း နှစ်ဗူး သာ ချက်ရသော ထမင်းမင်းအိုးလေးသည် ယနေ့တွင် လေးဗူးမောက်မောက် အဖြစ် ပြောင်းသွားလေသည်။
အိမ်က ကုန်ကားနဲ့ လိုက်လာမှာဆိုတော့
မန်းလေးကို မနက်စာ မစားခင် ရောက်လာနိုင်သည်။
အရင်ဆုံး သော် မနိုးခင် အိမ်ပေါ်တက်ပီး
တံမြတ်စည်းလှည်းပေးလိုက်တယ်။
ရောက်ရောက်ခြင်းထိုးလှဲအိပ်မဲ့ ကောင်တွေမှန်းဦးချီသိသည်မို့ တွက်ကပ်မနေပဲ
ခပ်သွက်သွက်လုပ်ပေးလိုက်၏။
။ အပေါ်ထပ်သည် တကယ်တော့ သိပ်ကြီးရှင်းလင်းစရာမရှိ။
ဘုရားခန်း ရှေ့ မှာ ဟောခန်းကျယ်ကြီးသာရှိပြီး အခန်းဟူ၍ လှေကားအတက်က အခန်းကျယ်ကြီးတစ်ခန်းသာရှိ၏။
၁၅မိနစ်ခန့်လှည်းကျင်းပြီးနောက် အတော်ပြောင်ရှင်းသွားပီမို့ အောက်ကိုပြေးရပြန်သည်။
ခန့် မှန်းထားတဲ့အတိုင်း ထမင်းအိုးကတော့ ကျက်နေဖြစ်၏။ ဟင်းကတော့ ထူးထွေ စီစဉ်စရာမရှိ၍ မနေ့ က သော် ပြောထားတဲ့ ကုလားပဲကြော် (ဗယာကြော် ) ကို ခရမ်းချဉ်သီးလေးနဲ့ ပြန်ချက်ပေးမည်။
ကျန်တာတော့အရွက်ကြော်တခွက်နဲ့ ချဉ်ဟင်းလေးချက်လိုက်ရင် အဆင်ပြေ၏။
နှစ်ယောက်ထဲရှိသည်မို့ ကုန်ကျစရိတ်က သိပ်ကြီးတော့မများလှ။ မကြာခင်
သော်ကလည်းကျောင်းတက်ရတော့မည်။
ခုထိသူ့ မှာ ဘာလုပ်ရမလဲ တွေးလို့ တောင်မရသေးပေ။
တကယ်ကျ ဦးချီ နည်းနည်း စွန့် စားဖို့ ကြောက်နေခြင်းသာဖြစ်သည်။ လက်ထဲမှာရှိတဲ့ ပိုက်ဆံကလည်းဒီလတွေမှာ စားတာသောက်တာနဲ့ ၃၈သိန်းစွန်းစွန်းသာကျန်တော့သည်။ ဒါတောင် သူတို့ နှစ်ယောက် ချွေချွေတာတာ စားနေလို့ ။
မဖြစ်တော့ဘူး သူတခုခုတော့ လုပ်မှပင်။
ဒီလမ်းပေါ်တွေက စီးပွားရေးလုပ်ဖို့ သင့်တော်တယ်ဆိုပေမဲ့ ဦးချီ မြင်ရသလောက်တော့ အဝတ်အထည်နဲ့ မုန့် ဆိုင်၊အလှပြင်ဆိုင်တွေ သာပေါနေသည်။
တကယ့်လက်တွေ့ ဘဝမှာ မင်းထင်သလောက်မလွယ်ဘူးဆိုတာ ပါးပါးအမြဲပြောနေကြ။ ဟုတ်တယ် တကယ်လည်း မလွယ်လှပါဘူး။ မြေစမ်းခရမ်းပျိုး ဆိုသလို
စမ်းလုပ်ကြည့်ရင်းရှိတာလေးပြောင်သွားမှာလဲ စိုးရ၏။ သူလုပ်မယ်ဆိုရင်တောင် အရင်းမများတာနဲ့ လူစိတ်ဝင်စားတာကိုသာရွေးချယ်သင့်သည်။
သူဘာလုပ်ရမလဲ ...
အလုပ်အကြောင်းကိုတွေးမိတော့
ခေါင်းက နှောက်ကျိ သွားသလို ...
အင်း သူလေကျယ်မိတာ မှားပြီထင်တယ်
စိတ်ညစ်တဲ့ကြားမှ ပြုံးရင်း ပိုက်ဆံတစ်ထောင် အင်္ကျီအိတ်ထဲထည့်ကာ သုံးအိမ်ကျော်က အကြော်ဆိုင်ဆီ ပြေးရသည်။
ဟိုရောက်တော့ မိန်းကလေး တချို့ ရပ်စောင့် နေတာတွေ့ သည် ကြောင့်
အကြော် ၅၀၀ဖိုး မှာကာ မလှမ်းမကမ်းမှာရပ်စောင့်နေလိုက်သည်။
"ဟဲ့ ဟိုမယ် အညိုစင်လေး ကြည့်ပါအုန်း
ချစ်စရာကြီးတော့ "
"အေးသွားကြည့်နေ ရှမှာတော့မမြင်ဘူး "
"ဘာရှတာလဲ "
"ဟယ် နင်မသိဘူးလားအဲ့ဒါ ငါတို့ အဆောင်ရဲ့ဟိုဖက်ကခြံကလေ "
"ဒါဆို ဟိုကောင်လေးလား"
"အေး "
" နှမြောစရာလေးဟယ် နီးနီးကပ်ကပ်ကြည့်မှ ပိုချောသလိုပဲ ၊ ယောကျာ်ပီပီသသ
ဒီလို အဆင်လေးတွေက ရှားတယ်ဟ "
"မကြောက်မရွံ ပြောရဲနေတာ အဆောင်ပေါ်က ဖူဂျီ ဆိုလား ဘာဂျီဆိုလား ပြောနေတဲ့ ကောင်မလေးတွေ သိရင် နင်တော့
တစစီဖြုတ်ခံရမှာသေချာသလောက်ပဲ "
" ဟဲဟဲ အဲ့ဒါတော့ ကြောက်တယ်လေဟာ။
သူ့ကို သေချာမှတ်ထားလိုက်ပြီ နောက်တခါမကြည့်တော့ဘူး ။အဲ့ဒါ မစားကောင်းတဲ့အသီးကြီး"
သူ့ ကို ကြည့်နေကာ စကားပြောနေကြဟန်ရှိတဲ့ မိန်းကလေး သုံးယောက်ကြောင့်
ဦးချီ စိတ်မသက်မဖြစ်ဖြစ်လာ၏။
ထို အချိန်မှာပဲ ကယ်တင်ရှင် အကြော်သည်အမကြီးမှ မောင်လေး အကြော်ရပီနော်ဆိုတဲ့ အသံက ထီသိန်းတစ်သောင်းဆုပေါက်လိုက်သလိုပင်။ အပြေးအလွှား ပိုက်ဆံပေးကာ လှည့်မကြည့်ပဲ အိမ်ကို အမြန်ပြန်လာခဲ့လိုက်သည်။
တော်သေးတယ် အိမ်က နီးနီးလေးမို့လို့သာ ..
သူပြန်လာတော့ အိမ်ရှေ့ က ဖုန်းဆိုင်တောင် ဆိုင်ပြန်ဖွင့်နေပြီ။ သော်ကတော့ ဒီချိန် မထလောက်သေး။ ဒီဆိုင်ရှေ့ မှာ ဦးချီအမြဲ ဖြတ်သွားဖြတ်လာလုပ်ပေမဲ့ သေချာမကြည့်ဖူးခဲ့မိပေ။ ဘာရယ်မဟုတ်
လက်ထဲက အကြော်ထုပ်ကို ဆွဲပြီး သူ
ဖုန်းဆိုင်ကို ခုမှစပ်စုနေမိ၏။
ဆိုင်ခန်းသီးသန့် ဆောက်ပေးထားတာမို့
လုံးချင်း အိမ်သေးသေးဖြစ်ကာ ဆိုင် အနေထား အတော်လေးလှတဲ့ပုံဖြစ်နေသည်။
မျက်နှာသာ အပြည့် မှန်အကြည်တွေ ကာရံထားကာ အတွင်းကို အကုန်မြင်နေရတဲ့ အနေထားသည် အတော်လေး
ဖုန်းဆိုင်ကို ဆွဲဆောင်မူ့ ရှိသလိုပင်။
ထို့ ကြောင့် ဒီလမ်းမကြီးပေါ်မှာမဟုတ်ပေမဲ့
အပြင်အဆင်လှသည်ကြောင့် ဖုန်းဆိုင်လေးသည် ဆိုင်ကြီးမဟုတ်ပဲနဲ့ တောင် ရောင်းကောင်းတာဖြစ်သည်။
ဦးချီ ဒါကိုလည်း သင်ခန်းစာယူလိုက်တယ်။
စီးပွားရေးလုပ်မယ်ဆိုရင် လူစိတ်ဝင်စားအောင် အပြင်အဆင် ကလည်း အဓိကကျတယ်ဆိုတာ ပင်။
" ဈေးဝယ်ပြန်လာတာလား ငါ့တူ "
"ဟုတ်ကဲ့ ဦးလေး "
အထဲကနေ မှန်တံခါးကိုတွန်းကာ ထွက်လာတဲ့ ဆိုင်ပိုင်ရှင်ဦးလေးကို မျက်မှန်းတန်းမိနေတာမို့ ရပ်ကာ နှုတ်ဆက်လိုက်သည်။
" အတော်ပဲ သားရေ ဦးလေး ဒီနေ့
ဆိုင်ခန်းကိစ္စလာပြောမလို့ စိတ်ကူးနေတာ လမ်းကြုံတုန်းပြောရအုန်းမယ်။ အထဲဝင်ပါဦးလား "
"မဝင်တော့ဘူး ဦးလေး ။ ဘာပြောချင်လို့လဲဗျ အားမနာပဲပြောလို့ရပါတယ် "
"တခြားမဟုတ်ဘူး ငါ့တူရာ။ ဒီလကုန်
ရင် အရင်ချုပ်ထားတဲ့ နှစ်ချုပ်စာချုပ်ကုန်ပြီဆိုတော့ အဲ့ဒါ နောက်နှစ်အတွက် ထပ်မချုပ်ဖြစ်ဘူးဆိုတာလေးပြောမလို့ပါ "
" အဆင်မပြေဖြစ်လို့လားဗျ "
"မဟုတ်ဘူး အဆင်ပြေပါတယ်။
ဖောက်သည်တွေနဲ့ နာမည်တောင်ရနေပီ
အဆင်မပြေစရာလားငါ့တူရာ။ ဆိုင်ခန်းအခက်အခဲကြောင့်မဟုတ်ပါဘူး ..
သားဖြစ်တဲ့သူက မိုးကုတ်သူနဲ့ အိမ်ထောင်ကျသွားတာလေ။အဲ့ဒါ ဒီဆိုင်လေးကို
ဟိုမှာပြောင်းဖွင့်မလို့ ပြောလာလို့ပါ "
"အော် ..ဟုတ်ကဲ့ ဦးလေး"
ဦးချီ စိတ်မကောင်းဖြစ်သွား၏
ဘာပဲပြောပြော ဆိုင်အငှားတင်ထားတဲ့ ဖုန်းဆိုင်ကရတဲ့ ပိုက်ဆံက တစ်နှစ်တစ်နှစ်
နည်းတာမဟုတ် ။ မဖွင့်ဖြစ်တော့ရင်
နောက်အငှားထပ်တင်ရမှာပေါ့ ဘယ်တက်နိုင်မလဲလေ...
ခြံတံခါးဖွင့်နေတဲ့လက်တွေသည် အသွားတုန်းကလိုတော့ သွက်လက်မနေတော့ပါ။
လောကဓံသည် ယခုမှ အစရှိသေးတယ်ဆိုပေမဲ့ ဦးချီကတော့ အတော်လေးမောဟ သွားပါသည်။
သူယခင်တွေးထားတဲ့စိတ်ကူးသည်
ဒီနှစ်အငှားတင်တဲ့ပိုက်ဆံကို ဘိုးဘိုးကို မပေးတော့ပဲ သူယူမယ်လို့ တွေးထားခဲ့တာဖြစ်သည်။
အင်း လွယ်လွယ်ရတဲ့ပိုက်ဆံက သူနဲ့ မထိုက်တန်ဘူးထင်ပါတယ်....
" ဟေ့ကောင် ဖေ့သား ..ဒီမှာ မင်းဦးရီးတော်တွေ ရောက်ပီကွ "
ဆူဆူညံညံ အသံများနဲ့ အတူ သုံးဘီးတစီးနဲ့ ဆိုင်ကယ် နှစ်စီးက ခြံရှေ့ လာရပ်သည်။ အောင်မာ ဘွတ်တွေ ရွှတ်တွေနဲ့
သံချောင်းတို့ တတွေ အပီအပြင် မြို့ သားယောင်ဆောင်လာကြတဲ့ပုံတွေကြည့်ပီး စိတ်ညစ်တာတောင်ပျောက်သွား၏။
" ရောက်လာကြပီလား စောသားပဲ မင်းတို့ "
"စောမှာပေါ့ ဦးလေးကောင်းကို
ငါတို့ တွေကို သုံးနာရီလောက်ကတည်းက ကားထွက်ပေးဖို့ သွားဂျီတိုက်ထားရတာ ။
မန်းလေးလာချင်တာ တပိုင်းကိုသေလို့ ။
ဟီး ...ဘေးက အဆောင်က မိန်းကလေးအဆောင်ထင်တယ် ။ ဟိုမှာ ကောင်မလေးတစ်ယောက် ပြတင်းပေါက်မှာရပ်နေတယ်"
လွင်ဦး စကားကြောင့် ခေါင်းအကုန်သည်
တဖက်အဆောင်ဆီသို့ ရောက်ကုန်ကြသည်။ နှာဗူးကောင်တွေ တသိုက်ကိုမျက်စောင်းခဲကာ
"အေး အဲ့အချိုးတွေ သော့်ရှေ့ ကြပ်ကြပ်လုပ်၊ ဟိုက စိတ်က လက်တဆစ်နဲ့ တွေ့ ကြအုန်းမယ်မင်းတို့ တော့ "
"ပါလာပြန်ပီ ၊ မင်းမယားလေးကို မင်းပဲကြောက် ၊ ငါတို့ ကတော့ဘယ်သူဘာပြောပြော တက္ကသိုလ်ဘဝကို စိတ်ကြိုက်ကဲမှာပဲ "
"ဟိတ်ကောင်သံချောင်း တိုးတိုးလုပ်စမ်း ၊ သော်နေမကောင်းလို့ အိပ်နေတယ် မင်းအသံကြီးနဲ့ "
" -ီးသံချောင်းလား ။ ငါ့နာမည် မြင့်မြတ်ဟိန်းကွ မြင့်မြတ်ဟိန်း ၊ တခါထဲဟိုကောင်တွေ ကိုမှာထားလိုက်မယ် ။ ဒီမြေ ၊ဒီရေပေါ်မှာ ငါ့ကို သံချောင်းလို့ ထပ်မခေါ်ကြနဲ့ နော် ။ အသက်ချင်းလဲပစ်လိုက်မယ် ဘာမှတ်နေလဲ"
ဖြောင်း !
တိုးသိန်း ရဲ့ လက်သံကအတော်ပြောင်သည် ။ ငိုက်ခနဲ ဖြစ်သွားသော သံချောင်းခေါ် မြင့်မြတ်ဟိန်း တစ်ယောက် စကားဆက်မပြောရဲတော့။
" တော်တော့ သောက်စကားတွေလျော့ပီး
အ်ိတ်တွေ ချ တော့။ ဟိုမယ်မင်းပထွေးက
စောင့်ရတာ စိတ်မရှည်တော့လို့ ပြောနေပီ "
ဦးချီ ထိုအုပ်စုကို ပစ်ကာ အိမ်ထဲဝင်လာခဲ့လိုက်သည်။
လက်ထဲ အကြော်ထုပ်လေးကတော့ အေးစက်စပြုနေပေမဲ့ ပြန်ချက်မှာမို့ ပြသနာတော့မရှိ..
တိုင်ငုတ်မှာ ချိတ်ပြီး မီးဖိုချောင်ထဲက အထွက် သော်က ရေချိုးပြီး ပြန်လာတာနဲ့ ဆုံ၏။
" ရေတွေ ချိုးလာတာလား သော် "
"အင်း ငြီးစိစိ ဖြစ်နေလို့ ။ အသံတွေကြားတယ် မင်းသူငယ်ချင်းတွေရောက်လာပီလား "
"ဟုတ်တယ် လူက အထဲမရောက်သေးဘူးအသံတွေကတော့ ကြားတဲ့အတိုင်းပဲ။
လာ လာ အအေးပတ်မယ် "
ပုဆိုးရေဝတ်လဲထားပေမဲ့ အနည်းငယ်တော့ စိုထိုင်းသေးသည်။ အင်္ကျီမပါပဲ တဘတ်ကြီးကြီးချုံ ထားတဲ့ ယသော်လင်း သည် ဖြူဖွေးဖွေးလေးမို့ ဦးချီ အမြန်အခန်းထဲ ဆွဲထည့်လိုက်၏။
"သွက်သွက်လဲ သော် ။ ငါ မနက်စာကို
ညက လုပ်ထားတဲ့ ပေါင်မုန့် လေးကို
ကြက်ဥနဲ့ ပြန်ကြော်ပေးမယ် "
" ကိုကို့ ကို အရမ်းချစ် "
အခန်းထဲက ပြောင်စပ်စပ်အသံကိုကျောခိုင်းကာ မီးဖိုချောင်ထဲပြန်ပြေးရပြန်သည်။
ဟိုကောင်တွေကတော့ ဘာစားစား
သူကတော့ နှစ်ယောက်စာပဲလုပ်မည် ပိုတော့မလုပ်ပေးနိုင် ၊ ဆီ ကုန်၊ ဆားကုန်နဲ့ ။
" ပုံညာ ငါတို့ အတွက်ဘာရှိလဲ ဗိုက်ဆာတယ် "
"ဘာမှမရှိဘူး အပြင်မှာ မုန့် ဆိုင်တွေပေါတယ် သွားဝယ်စား "
လှည့်မကြည့်ပဲ ဦးချီပြောတော့ ထိုကောင်တွေထံက မကျေမနပ်သံတွေ ထွက်လာ၏။
" မင်းကတော့ တကယ့်ကောင်ပဲ။
အေးပါ မင်းအကြောင်းသိလို့ အိမ်က အကုန်ထည့်လာတယ်။ ဟိုကောင် တင်မောင်ညွှန့် သူ့ အိမ်က ပေးလိုက်တာဟာတွေ ထုတ်မပေးနဲ့ "
သံချောင်းရဲ့ ညစ်ကျယ်ကျယ် စကားကို
ဦးချီ ဒယ်အိုးထဲ ပေါင်မုန့် ပြန်ဆယ်ပီးမှ
ထိုကောင်တွေဖက်လှည့်ကာ
" သက်ပုံထည့်ပေးလိုက်တဲ့စာရင်း ငါအကုန်သိတယ်။ ခုထုတ်လိုက်စားပွဲပေါ်ကို ငါးခြောက်ကြော် ၊ သော့် အတွက် ပုဇွန်ထုတ်ကြော် ၊ ကြက်သားကြော် နဲ့
မာလကာသီး တစ်ဖာ ၊ မပေးချင်ရင် အိမ်ပေါ်ကဆင်းကြ "
" ချီးပဲ ပုံညာဦးချီ "
ဆဲသံတွေ တသီကြီးထွက်လာတော့သည်။ ထို့ နောက်မကျေမနပ် မျက်နှာများ
ဖြင့် သယ်လာခဲ့တဲ့ အထုတ်အပိုးတွေကိုထုတ်ပေးကြသည်။
" မင်းမိန်းမလေးရော မမြင်ပါ့လား "
"ဟိုမယ် လာနေပြီ "
မေးငေါ့ပြလိုက်တော့ ငါးယောက်သမား
ပါးစပ်ပိတ်သွားကြသည်။
ဦးချီ တိတ်တခိုးရယ်လိုက်မိတယ်။
သော့်ကိုတော့ ဒီကောင်တွေအကုန်ကြောက်ကြတာကို သူသိသည်။
" ရောက်တာ စောသားပဲ။ ကိုကို ငါဗိုက်ဆာပြီ "
"ok ခဏစောင့် "
သူတို့ အကုန်လုံးကို ဝတ်ကျေတမ်းကျေတာ နှုတ်ဆက်ရုံလုပ်သွားတဲ့ အဖြူ ကောင်သေးသေးကို သံချောင်းတို့ အုပ်စု မကျေနပ်ပေမဲ့ တစ်ယောက်မှပြန်မပြောရဲကြ။
" ဒီမှာနေမယ်ဆိုရင် စည်းကမ်းချက်တွေရှိတယ်။ အိမ်သန့် ရှင်းရေး၊မီးဖိုချောင် ၊
ကိုကို့ ကိုပဲ မင်းတို့ ခိုင်းဖို့ မစဉ်းစားနဲ့
အကုန်ဝေမျှ လုပ်ပေးကြပါ။ ပြီးတော့ မီးတာခ တက်မှာမို့ ပန်ကာ တစ်လုံးပဲ သုံးခွင့်ရှိမယ်။ အပေါ်ထပ်မှာ မင်းတို့ ကြိုက်သလို နေလို့ရတယ် ဒါပေမဲ့ စားဖို့ အတွက် ကိုယ့်ဘာသာချက်ရင်ချက်.. အဲ့လိုမှမဟုတ်ရင် တစ်ယောက်တလှည့် ဝင်ချက်ပေးလည်းရတယ် ။ ဆန် ၊ဆီ ၊ဆား အကုန်မျှခံပေးကြပါ ငါတို့ ကိုယ်တိုင်
ဘာအလုပ်မှမရှိသေးတော့ ခက်ခဲနေလို့"
ယသော်လင်းတခါထဲ အပြတ်ပြောလိုက်သည်။ မဟုတ်ရင် နောင်တချိန် စကားတွေထပ်ပြောနေရရင် သူငယ်ချင်းတွေ အမုန်းပွားကြမှာသူမလိုချင်ပါ။
ကိုကို့ သူငယ်ချင်းတွေမို့ အမြင်မကြည်တာမျိုးမရှိပေမဲ့ သူတို့ ကိုယ်တိုင်တောင် မနည်းရပ်တည်နေရတာမို့ ပင်။
"သိတယ် မင်းပြောတာမခံချင်လို့ ကို အိမ်က လာကတည်းကအကုန်ပါခဲ့ပြီးသား
ဟိုကောင် သံချောင်းထုတ်ပြလိုက်စမ်း"
"မြင့်မြတ်ဟိန်းလို့ ခေါ်ပါဆို ဒီမသာကသေတော့မယ် "
သံချောင်း သူ့နာမည်ကြောင့်အတော်လေးစိတ်ညစ်နေပါသည်။ ဘာကြောင့်အိမ်ကမိဘတွေက ချစ်စနိုးနာမည်ကို တခြားလှတာ မပေးလဲဆိုတာ စဉ်းစားလို့တောင်မရ။ နောင်တချိန် ရည်းစားရှိလာခဲ့ရင် ကောင်မလေးရှေ့ မှာ သံချောင်းလို့ များအခေါ်ခံလိုက်ရရင် ရှက်ဖွယ်ပင်။
မပျော်တော့တဲ့ စိတ်ကလေးကိုဆွဲဆန့် ပြီး
ပါလာတဲ့ ဆန်အိတ်နဲ့ ဆီပုံးကို မီးဖိုခန်းထောင့်ကို သွားပုံပေးလိုက်ကြသည်။
" ဆန်၊ဆီ အကုန်ပါတယ်။ ငါတို့ က
မချမ်းသာပေမဲ့ အကုန် ချောင်ချောင်လည်လည်နေနိုင်တဲ့သူတွေကြီးပဲ။ အဆောင်မနေဘူးဆိုတာကလည်း ဒီမှာလွတ်လွတ်နေချင်တာကြောင့်ပါ။ မပူနဲ့ မီတာခလည်းငါတို့ မျှခံပေးပါ့မယ်။ပန်ကာတော့ နှစ်လုံးသုံးပါရစေကွာ ၊ သိတဲ့အတိုင် မင်းတို့ မြို့ က ငါတို့ ရွာလိုလေဝင်လေထွက်ကကောင်းတာမဟုတ်ဘူး အသက်ရူကြပ်လို့ သေရချည်ရဲ့ "
သံချောင်းစကားကို ဦးချီလက်ခံပါသည်။
ထို့ ကြောင့် ခေါင်းညိမ့်ကာ
" ဒါဆို အဆင်ပြေတယ် ။ ပြောစရာစကားမရှိတော့ဘူး ၊ အပေါ်မှာ သန့်ရှင်းရေးလုပ်ထားပြီးသား သွားနားကြတော့ "
တစ်ယောက်တစ်ပေါက်အော်ဟစ်ကာ အပေါ်တက်သွားကြာတာကို ငေးနေရင်း
အေးစိမ့်စိမ့် ပတ်ဝန်ကျင်ကြောင့် ဦးချီ အလန့် တကြားလှည့်ကြည့်လိုက်၏။
သော်သည် စာပေါ်မှာတင်ထားသော
သူ့ လက်တွေ ကိုလက်သီးစုတ်ထားပြီး
မီးဝင်းဝင်းတောက်နေသော မျက်လုံးတွေဖြင့် သူ့ ကိုကြည့်နေတာဖြစ်သည်။
ထို့ နောက် ကြီးမားသော အင်အားပြည့်လေလိုင်းတခုသည် အောက်ထပ်က ထမင်းစားခန်းတစ်ခုလုံးကိုလွှမ်းခြုံ၍ သွားလေ၏။
"ကိုကို !!!! "
သွားပြီ သူတော့ ..
ချစ်တဲ့အိမ်စည်။
( Vote Vote 😁 မေ့နေမှာစိုးလို့ )
Bạn đang đọc truyện trên: ZingTruyen.Xyz