3
لميس جالسه جنب ريناد بسريرها وتضحك: تخيلي بعد تبيني ابات معها تستهبل
ريناد تضحك: ياربي البنت ذي مب صاحيه
لميس: هبله بس حلوه واخوانها عاد كل واحد يقول الزود عندي خاصه مشعل اخوها وسامته تشلع القلب
ريناد: يوهه عاد كل اللي اسمهم مشعل حلوين
لميس جلست قدامها: بنت اي مشعل تتكلمي عنه؟
ريناد: صاحب اخوي نايف اسمه مشعل، تخيلي بس نفسه مشعل اللي تتكلمي عنه ترا حبيته قبلك وخري عنه
لميس خافت: لا وين ابن خالتي طول عمره عايش بالبنان وامس راجع اكيد مو نفسه
ريناد: ايوه انتبهي
لميس تغير الموضوع: وين خواتك وحشوني
ريناد تنهدت: رزان تجي بعد شوي و منار وفجر ببيت عمي ابو عبدالعزيز
لميس: ليه شعندهم
ريناد: راحو لرند مدري شعندهم
لميس تذكرت رغد وكانت بتسأل عنها بس سكتت: يوه الحين تجي رزان وعيالها مالي خلقهم
ريناد تضحك: اصبري بعلم رزان وبخلي بزرانها يكفخونك
شوي وسمعوا صوت رزان تصارخ: رينادد يريناد وينكك
ريناد قامت ولميس لبست عبايتها عشان تلحقها
ريناد نزلت لها: ياهلا ومرحبا وينك زمان عنك
رزان 24 سنه تفصخ عبايتها وتجلس: هلا ريناد وينهم امي وخواتي طلعوا؟
ريناد تضم عيال اختها التؤام زايد و زياد 4 سنوات:هاايي وحشتوننيي
التفت لرزان الحامل بالشهر الخامس: امي وخواتي ببيت عمي ابو عبدالعزيز
لميس نزلت: السلام
رزان تتمدد على الكنب: هلا لميس وينك ماتنشافين
لميس تجلس: شسوي بعد الاختبارات قربت
رزان: الله يوفقكم
ريناد ولميس من قلب: اميننن
ريناد: يلا حبايبي كفخوا لميس ونتفوا شعرها
لميس: والله ان قربوا بتوطى ببطونهم
دخل عليهم نايف 26 سنه: السلام عليكم
كلهم: وعليكم السلام
زايد وزياد راحوا له بسرعه وضموه
نايف: هلا هلا بالشياطين
رزان: حرام عليك لاتقول عنهم شياطين هذا وهم مشتاقين لك
نايف ضحك: اي مشتاقين انا مواعدهم اطلعهم
ريناد: الله جابك يا نايف يلا ودينا السوق
نايف ناظر لميس بطرف عين: والله في ناس سمعت انهم يسوقون خلهم يودونك
لميس فهمت عليه: والله اشاعات اصلا حتى ماعندي سيارة
نايف: لا والله من جابك اجل؟
لميس: السواق
نايف: والسيارة اللي برا؟
رزان: حقتي
نايف: اوه اوه رزان مبروك
رزان ابتسمت: الله يبارك فيك
ريناد: هيييه انت وش الحين بتودينا ولا نطلب سيارة؟
نايف: يلا بوديكم
ريناد قامت بسرعه وصعدت تلبس عبايتها قبل مايغير رايه
نايف جلس ويكلم لميس: الا وينها رغد عنكم؟
لميس: اسكت بس هي وريناد متضاربين
رزان: غريبه حتى ماراحت مع امي لبيت عمي
لميس: ايوه لما راحوا ريناد نادتني
نايف: شعندهم؟
لميس: نايف مادريت تركي ولد خالتك خطب رغد بنت عمي
نايف انصدم: جد؟ من متى
رزان: ايش؟ وليكون ريناد زعلانه لأنها انخطبت له؟
لميس: ايوه لان ريناد حذرتها قبل ماتوافق وهي طنشتها
نايف بان عليه الضيق ولميس لاحظت بس سكتت
ريناد جات ورمت على لميس النقاب: امسكي
لميس: يووهه نسيته
ريناد: ايوه تعالي بعدله لك
نايف: ممكن سؤال
ريناد: تفضل
نايف: مو انتي بنت عمك
لميس: هاا
نايف: وش هاا وانتي ماتتنقبين الا لما تطلعي مع ريناد
لميس: وش اسوي احس شكلي غلط وانا امشي مع ريناد كاشفه
ريناد: تضامناً معي فهمت؟
نايف قام: يلا مشينا، رزان قومي معهم
رزان: لا لا انا تعبانه وامي جايه الحين روحوا انتو
نايف: لا ماراح اتركك لوحدك
ريناد فتحت فمها بس امها وأخواتها رجعوا
ريناد: الحمدلله يلا لميس
منار 17 سنه: على وين؟
ريناد مو طايقتها: مالك دخل اذلفي
نايف: وش هالاخلاق؟ ، بنروح المجمع تجين معنا؟
منار تبي تقهر ريناد: اكيد بجي يلا مشينا
لميس بطفش: يليل
فجر 14 سنه: نايف بسرعه عندي لك خبر
نايف: عارف عارف ، بتجين معنا ولا؟
فجر: لا مالي خلق
نايف: براحتك ، يلا بنات
طلعو البنات ومنار بسرعه صعدت بجنب نايف بالمقعد الامامي
ريناد عصبت: حيواننههه
ريناد صعدت وراها وصفتها ولميس ضحكت
منار: ايييييي كلبه نايف شوف ريناد
نايف: خلاص انتي وهي
نايف فتح الشباك لما شاف اخوه جاي له
حمد 22 سنه: ياسلامم على وين رايحين الجماعه
نايف: بوديهم السوق
منار: حمدان شرايك تجي معنا
ريناد: كملت
لميس: بعد لاحقتنا وتعزم
منار: انتي اسكتي
حمد: اووهه لميس هنا ماعرفتك والله كبرتي وصرتي حرمه تعرفي تتغطين
لميس: نننن اذلف بس يعني ماتدري
حمد ضحك وراح عنهم
______
بالمجمع
ريناد مسكت لميس من يدها وتجرها: لميس بسرعه تعالي شوفي من شفت
لميس: اييي وجعع شوي شوي علي
ريناد: شوفي هذاك مشعل يجنن
لميس شهقت لما شافت مشعل ولد خالتها واقف مع ولد عمها نايف: يويلي
ريناد قرصتها: خلاص نزلي عيونك لايشوفك
لميس ضاق صدرها لما طلع هو نفسه ولد خالتها: طيب خلاص لاتقرصين ، وش صار على رغد؟
ريناد تبي تلحق على مشعل: بعدين احكي لك الحين تعالي نروح له
ريناد راحت ووقفت بجنب نايف ومقابل مشعل وبجنبها لميس: نايف خلصنا
نايف التفت لها: طيب وين اختك؟
لميس رفعت راسها شوي له وشافته يناظر بعيونها
ارتبكت وناظرت بريناد اللي قرصتها
ريناد: مدري عنها
نايف بطفش: يالله وين راحت مو كانت معكم؟
مشعل بأبتسامه: طيب نايف انا ماشي اشوفك على خير
نايف: مع السلامه ومو تنسى الموعد ضروري تجي
مشعل ابتسم: ابشر
نايف التفت لريناد: وينها منار؟
ريناد بطفش: مدري عنها البزر
نايف عصب عليها: ريناد وبعدين معك انتي..
لميس: نايف انا دقيت عليها وماترد
نايف: الهبله ذي بعد وين راحت انتو اجلسوا هنا وانا بدور عليها
راح نايف وريناد جلست
لميس خافت على منار: ياربي وين راحت
ريناد: من جدك انتي خايفه عليها؟
لميس بخوف: ريناد تخيلي انها انخطفت
ريناد ضحكت: من زينها عشان يخطفونها بتجننهم وبيرجعوها ريحي بالك بس
بعد نص ساعه نايف دق على ريناد
نايف: ها منار رجعت؟
ريناد خافت: لا
Bạn đang đọc truyện trên: ZingTruyen.Xyz