2
دخلت ولقيت البزران يلعبون بحديقه المدخل وكان فيها مسبح كبير يفتح النفس
راكان اخوي 11 سنه استقبلني وكان معه ولدين يجنننووو
لميس: راكان وين أمي؟
راكان: امي داخل
لميس: طيب تعال معي
تكلم الولد اعطيه 12 سنه: روحي لوحدك ماراح تضيعي
مسحت على شعره وابتسمت بتصنع: ومين انت حبيبي
راكان بحماس: هذا رائد ولد خالتي ريم
ناظرت الولد الصغير اعطيه 7 سنوات كان مستحي مررهه مسحت على شعره
لميس: وانت ياحلو
تكلم بصوت يالله سمعته: راشد
ابتسمت له يزينهه يجننن
لميس: طيب ابي اروح داخل تعالوا معي اخاف جد اضيع
مشوا معي وانا مسكت يد راشد الصغير
دخلنا وكانوا كلهم جالسين بالصاله وكان في واحد جالس جنب امي انا ذبت عليه وعلى ابتسامته
عاد انا خفيفه
تكلمت بهدوء بعد ما تركوني البزران وراحوا
لميس: السلام
كلهم التفتوا وجات وحده نحيفه وتشبه امي ، ضمتني وانا مستغربه
ريم: هلا هلا يا حياتي اكيد انتي لميس الصغنونه كبرتي وصرتي عروسه ما شاء الله
قلت وانا مستحيه
لميس: ايوه
ريم: انا خالتك ريم اكيد ماعرفتيني
ابتسمت لها وكانت عيوني على امي اللي كانت جايه وهي مبتسمه مع بنت اتوقع انها بنفس عمري
ريم تآشر على بنتها: شوفي هاذي بنتي داليا بنفس عمرك
ابتسمت لها وهي سلمت علي
داليا بأبتسامه: كيفك لميس
لميس: تمام وانتي؟
داليا ردت بنفس الابتسامه: الحمدلله
رنيم: لميس تعالي سلمي على عيال خالتك
رحت معهم وكانت عيوني على الشاب المزيون الجالس ويناظرني بأبتسامه سببت لي ضربات قويه بقلبي
وقف وكان جسمه مثير ومبهر "استغفر الله ياربي"
كان جسمه رياضي حلو وهو طويل مره
بس ماقدر اوصف أكثر وترني
تكلم بأبتسامته: كيفك لميس
لميس: الحمدالله
رنيم: هذا مشعل وهذا ناصر
التفت للمكان اللي أشرت عليه امي ادور ناصر وشفت ولد ما انتبهت له اعطيه 16 أو 17 سنه
ناصر: هلا
قال بعدين ابتسم بتسليك وقام بسرعه وصعد
ناظرته مستغربه شفيه ذا؟
جلست بالكنبه الثانيه لأن أمي كانت جالسه بجنب مشعل وتسولف معه
لحظه قالت اسمه مشعل؟
يويلي عليهه حتى اسمه يجننننن
داليا جلست جنبي: لميس انتي صف كم؟
ابتسمت لها
لميس: ثالث علمي وانتي؟
داليا: وانا بعد
لميس: كويس انتي تدرسين هنا؟
داليا: ايوه نقلت اليوم
لميس: حلو
داليا: انتي عندك خوات؟
لميس: لا أمي بس خلفتني انا وراكان وانتي شكله ماعندك الا اخوان
ضحكت داليا: لا انا عندي اخت اسمها عبير ومتزوجه
ابتسمت وقلت
لميس: اها انتي لبنانيه؟
داليا: لا ليه تسألين؟
لميس: لا بس شفت اخوك الصغير ابيض واشقر كأنه لبناني
داليا ضحكت: اي هذا اخوي من ابوي
استغربت ما شاء الله خالتي تجنن ليش زوجها تزوج عليها مالت عليه
قلت بلقافه: طيب وينها امه؟
داليا: امه مطلقه وعند اهلها
تحمست للسالفه وقلت بفضول
لميس: امه لبنانيه صح؟
داليا: لا امه روسيه ماتشوفين راسه كيف اشقر
شوي الا وجاي راشد ركض وراح عند خالتي ريم يبكي بحضنها
ريم شالته وجلسته بحضنها: ايش فيك حبيبي مين زعلك؟
راشد من بين دموعه: ماما رائد مايخليني العب معهم
ريم تمسح على شعره: طيب لاتروح معهم اجلس معنا شوف خالتك
رنيم: حبيبي انت تعال بعطيك حلاو
قام راشد وراح عند امي وجلسته بحضنها
التفت لداليا وكانت ميته ضحك منكتمه
قلت بشك
لميس: مو هذا الواضح
داليا تضحك: وانتي صدقتي؟
قالت وكملت ضحك
قمت عنها ورحت جلست بجنب خالتي ريم وانا عاقده حواجبي
ريم بأبتسامه: وش فيك لميس وش قالت لك المهبوله ذي
لميس: تقولي ان راشد اخوها من ابوها وان امه روسيه
ريم ضحكت: ماعليك منها راشد ولدي وداليا دايم تقوله انت مو ولدنا واحنا لقيناك بالمسجد وامك روسيه وهو عاد يصدقها ويجي عندي يبكي
كلهم ضحكوا وانا كنت اتأمل مشعل وهو يضحك بجنب امي يزينه زيناانهه
مشعل: رشود تعال معي فوق نشوف ناصر
لاااا تكككفففى لاتروووح بتأملك شوي يبن الحلال
وقف راشد ومشعل مسك يده وصعدوا
داليا جلست جنبي وماكنت منتبهه لها
داليا بهمس عند لميس: اخوي حلو صح؟
التفت وناظرتها وقلت بفهاوه
لميس: ها
داليا قامت بسرعه وماسكه يدي وقالت: لميس شرايك تجي معي المطبخ نسوي حلا
لميس: اوكي يلا
قمت ومشيت معها للمطبخ
داليا تجلس على الطاوله وتتربع: لميس شرايك ببيتنا؟
قلت واتفحص المطبخ بعيوني: حلو عجبني
داليا ترفع شعرها وتحط ربطه: همم تعرفين تسوين تشيز كيك؟
قلت واجلس بجنبها: ايوه عادي
داليا قامت: كويس يلا قولي لي وش تحتاجين وانا بجيب بسرعه
كنت جالسه فوق الطاوله واقول لها وهي نادت عالخدامه تساعدها
داليا: بتجلسين كذا بالعبايه؟
لميس: ايوه مرتاحه كذا
داليا: براحتك بس بسألك
قلت وانا اجهز الخليط ومشمره: وش
داليا: انا مشبهه عليك، انتي اللي اليوم كنتي بالمدرسه وتهاوشتي مع وحده واغمى عليها؟
قلت بصدمه: هاا، ايوه انا بس انا ماتهاوشت معها
داليا: اها
قلت وانا افك الطرحه وارفع شعري البني بربطه: هفف حر
داليا تضحك: شكلك كان تحفه وانتي واقفه ومبققه عيونك بصراحه ضحكت عليك
ابتسمت متفشله وانا اتخيل شكلي
دخلت امي المطبخ
رنيم: وش تسوون؟
داليا: حلا عادي، خالتي عادي اطلب منك طلب
رنيم: سمي
داليا: ابي لميس تبات معي اليوم، بكره الجمعه وانا احس بطفش وما معي احد يسليني وبكره احنا نجيكم شرايك؟
قلت وانا اناظرها مصدومه
لميس: لامقدر وبعدين ماصار لنا ساعتين معبعض امداك تاخذي راحتك معي
رنيم ضحكت: صادقه والله وبعدين اخوانك فيه وماراح ياخذو راحتهم بالبيت انتي تعالي
ناظرت بماما مصدومه وحاطه يدي على خدي
Bạn đang đọc truyện trên: ZingTruyen.Xyz