28
هواجس دخلت لغرفه الطعام متوتره..
وهي تحس بالعيون اللي تناظرها من الطاوله ..
ماناظرت فهد ولا شافته تخاف تطيح على وجهها اذا ناظرته بعد هذي الغيبه ..: السلام عليكم ..
فهد ناظرها وهي تدخل بحجابها الليموني مع الابيض وملابسها المتغيره عن قبل ..نفس جسمها نفس ملامحها ..
البشره الناعمه اللي يعشقها نفسها ..
حاول يبعد عيونه عنها لاينتبه يزيد وهو الذكي اللي مايفوته شي
ماقدر ضل مركز عليها يبغى يحفظها ..فتره ويتركها ..
ابتسم بارتباك ..وهو يرد السلام : وعليكم السلام ..
جلست بالكرسي الوحيد على الطاوله بعيد عنهم .. وبوماهر كان قبالها ..
هواجس بابتسامه ماليه لوجه : تفضلوا ..
يزيد باستهزاء : برد الغداء كان مانزلتي ...
فهد استغرب من معامله يزيد لهواجس .. ناظر يزيد وبسرعه رجع ناظر هواجس ..
بو ماهر : يله ياجماعه تفضلوا ..
هواجس جاءت عيونها بعيون فهد وابتسمت من قلب له وبعيونها واضح الشوق
فهد ابتسم لها بهدوء ورجع يناظر اكله .. بتفضحهم عيونهم
طنشت بوماهر ويزيد وقالت بهدوء وصوت مبسوط : كويس انك عندنا يا - ارتبكت وش تناديه كيف تحاكيه قدامهم - يا استاذ فهد .. ابستغل وجودك تصمم لي فساتين ..
يزيد احتقر هواجس ..و رد عن فهد : لا فهد ماهو فاضي لك ..جائي لي انا
فهد بثقه : لا الفستان جاهز انا عندي تشكيله فساتين جديده اذا تحبي زورينا بالمشغل باقرب وقت واختاري ..
هواجس تناظر بعيونه وحست خدودها حمرت ..نزلت عيونها وقلبها يدق بسرعه ...
بوماهر : ايوه روحي ياهواجس فهد ذوقه راقي وخذي معك نور تختار فستان لها هديه مني ..
هواجس ناظرت يزيد بعيون قويه : من نور..؟
ماتوقع نور ماهي بمتحمسه للملكه من الاساس انا اختار لها مايحتاج اخذها معي
يزيد داري ان نور مغصوبه عليه : قبل لانسى هواجس.. حكيت مع ابوك وقالي اقدر اطلع مع نور بفتره الخطوبه مثل ماحب ..
فهد ..حس هواجس الخجوله متغيره ..وصارت قويه ومايهمها شي حتى بو ماهر ماهي بمهتمه لوجوده ..
هواجس ماردت على يزيد لان نظرات فهد اللي فيها عتاب سكتتها ..
هي فاهمه نظرته عارفته مثل نفسها .. اسبوعين بس معه وقدرت تفهمه مثل نفسها ..
وياما جلست مع ناس شهور .. ماقدرت تعرف وش فيهم..؟
(( لا يافهد بليز لاتناظرني كذا ..؟
انا مو كذا مو بهالحقاره ..ولا الجراه هذي انت اكثر واحد فاهمني ..
لكن مابيدي شي .. ماقدر ارجع مثل قبل ..
انا يوم عن يوم انكسر من جوا .. بسبب شايب متزوجني يمتع نفسه ويدفن شبابي ..
اناني يضن ان الفلوس هي سعادتي انا بنت الفقر ..
صحيح انها تشبع عندي رغبات واشياء كنت محرومه منها .. لكن ماعطتني حضن دافي ولا نظرات حنونه مثل نظراتك لي ..))
حست بريقها جف ودموعها تتجمع بعيونها .. فجاءه تفجرت مشاعر الانكسار بالاشهر اللي فاتت .. تجمعت لما حست بوجود الغالي اللي تهلوس فيه ..
رفعت الكاس الكرستالي المعبئ بالكولا وهي ترتجف .. شربت منه شوي تبلل ريقها ..
كان فهد يناظرها ونفسه ترفع راسها عن صحنها علشان يكحل عيونه فيها..
حس بقلبه يرجف مع رجفت ايدها بالكاس .. ماهي بقويه مثل ماتبين ..
بو ماهر سأل فهد : الا ياولدي من يمسك شغلك هنا ..
فهد لف على بوماهر وابتسم بدون نفس ..لانه بعد ماكان يعتبر بو ماهر الحنون مثل ابوه صار يكرهه وعدو له
: القسم الرجالي ثامر واحد درس معي بايطاليا ورجع لرياض ماحصل شغل عرض علي يمسك شغلي ..وزوجته ماسكه القسم النسائي ..
بو ماهر : واللي بجده ..
يزيد : اما الفرع اللي بجده ماسكه صاحبي لوي واخته ساره ..
والمشكله عندي بفرعي اللي هنا ..بالشرقيه ..القسم الرجالي بيد هتان اما النسائي ماعندي حد يمسكه لي وهذا المشكله ..
يزيد وهو ياكل : يعني هاللحين مافيه قسم نسائي ..؟
فهد : اكيد فيه .. وحده شاميه ماكنت حاب اعينها لكن ماباليد حيله ..
هواجس رفعت راسها : انا مستعده امسكه او اشرف عليه ..
يزيد وفهد وبو ماهر : كيف ...؟
هواجس ناظرت ببوماهر : ايوه انا اطفش وماعندي شي يشغلني .. ونور اللي تسليني بتتزوج .. وانا مستعده امسك الاداره ..
بوماهر ناظر بفهد ينتظر رده ولما شافه يناظر بهواجس مستغرب قال : لاتخاف يافهد انا ماعندي مانع دامه مثغل نثائي .. وبعدين انت مثهور وهذا ثي طيب ..
والاهم من هذا كله برتاح من حنه هواجث ..
فهد (( غبي تتافف من حنه هواجس .. وفي غيرك يتمنى بس لحضه بقربها ))
يزيد : ماتوقع انك تعرفي للازياء او لهذي الشغلات .. انتي ماصار لك شي بالذوق الراقي ..علشان تحكمي على شغل السوق م
قاطعه فهد : لااا بالعكس هواجس انسب وحده لهالشغل .. لانها بتكون بحفلات راقيه كثيره بتعرف الجديد ...
هواجس ابتسمت لفهد : حلو يعني ضمنت لي شغل ..بكره اذا اخترت الفستان تفاهمت معك هاللحين انا استاذن تامروا على شي ..
فهد ناظر بعيونها اللي فجاءه متلت بالحزن : لا سلامتك ..
بوماهر: لاتنسي الحلى والشاهي ..
يزيد : ولاتنسي الشيز كيك بالتوت .. فهد تراه يعشق التوت هالخكري هههههه
فهد : ههههههه
هواجس طلعت بسرعه وهي تمسك دموعها : جهزي الحلى والشاهي ولاتنسي التوت ..
وركضت بسرعه لفوق ماطلعت بالاصنصيل استخدمت الدرج ...
اول مادخلت غرفتها الفخمه اللي صارت سجنها بكت من قلب ...
رمت المخدات على الارض مقهوره : ليييه ياربي انا كذا ..؟
ليه حظي كذا .. يارب اموت وارتاح ...
حسبي الله عليك يايبه حسبي الله عليك ..
الله لايحللك ولايبيحك دنيا واخره ..
• ليه ياهواجس قلبك اسود كذا .. وين طيبتك وضحكتك الرنانه ..
تضني فهد بينبسط اذا عرف بحالك او ناظر شكللك كذا ...
................................
سجى اخذت من ربى وعد تزورها مره ثانيه حست ان الدم رجع بعروقها لما شافت ربى اختها ..
ربى : والللللللله وعد خلااااص باقرب فرصه بكون عندك ..
سجى : تكفين ربى الله يعافيك لاتنسيني ..
ربى ابتسمت من قلب : والله بزورك .. كل اسبوع انا عندك .. لكن هاللحين اتركيني اطلع ..
سجى باست اختها بقوه : اوكيه اشوفك على خير باي ..
ربى : باي
سكرت سجى الباب ولفت على البيت الصغير .. ناظرت بالساعه 2 بالليل ..
اهل تركي طلعوا بعد فتره من وصول ربى ..
ماتدري تركي فيه او طلع .. واغلب الضن انه لحقهم ...
(( اريح منه ومن وجهه .. ))
ناظرت بالبيت كيف قذر من بزارينهم وهي اللي بتنظف .. والمجلى ممتلي بالمواعين
: والله ماحرك شي اللي وصخه ينضفه .. جد ناس ماعندها دم ..
فصخت كعبها وطلعت الدرج بتعب ترفع فستانها الاسود اللي تبغاه شي واحد بس .. السرير ..
دخلت لغرفتها ورمت الجزم على الارض بقوه .. سحبت الروب من الشماعه وشغلت النور .. انصدمت بشكل تركي نايم على سريرها ..
ضنته مو فيه طلع .. اثاريه ماخذ راحته بغرفتها ..
وقفت متوهقه وش اللي تعمله تصحيه او تتركه يكمل نومته ..(( حرام بكره عنده دوام .. وشكله غرقان بالنوم ..))
تركي حس بازعاج لف وغطى نفسه يبعد النور المزعج مرتاح بالنومه ..
سجى لما شافت حركته طفت الانوار وقبل لاتطلع وقفها صوت تركي : انتي وش مجيبك هنا ..؟
سجى شغلت لانوار : انت اللي وش مجيبك غرفتي ..؟
تركي ناظر بالغرفه .. وبالثوب اللي نايم فيه ..: ايوه صح راحت علي نومه ..
كم الساعه ..؟
سجى (( يقهرررررررررررررر ولا كانه عمل شي .. ومتى مايحب يحكي يحكي .. ومتى مايحب يسكت يسكت ..))
: الساعه 2 ..
تركي : يالليل كل هذا نوم
صرقع رقبته واصابعه وهو يتمدد : جهزي لي شي اكله ..
سجى ناظرته : ياربي فيني النوم اعمل لنفسك .. والا دق على وحده من اللي مايعرفوا الا يوصخوا البيت وينقلعوا ..
تركي ناظرها فتره .. ماهو برايق لصراخ وهواش .. وبالاخير تبكي وتعور قلبه ..
وقف وطلع من الغرفه .. لكنه قال وهو يمر من عندها : مشكوره مابغى منك شي ..
سجى سكرت الباب بقوه اول ماطلع .. وجلست على لسرير اللي كان نايم فيه ..(( آآآه كان هنا بمكاني هذا ..
آآآآآآآآآآآآآآآه لو اني داريه من زمان عزمت ربى ..))
لفت ترقص مبسوطه اليوم جئيت ربى رفعت من معنوياتها كثير ...
: شوف الواوه بوس الواوه .. واوه واواه آح ..
رمت نفسها على السرير مبتسمه وتعبانه تبغى تنام ..
عدلت جلستها و رفعت الغطاء وشمته : آآآآآآآه يازين ريحته ..
فتح تركي الباب بسرعه وشافها وسمع اخر حكي ..
سجى رمت الغطاء بسرعه وكانها حراميه صادوها متلبسه ..وحست خدودها حاره ومحمره ..
ماقدرت تناظر تركي اللي من شكله تغسل بعد النوم ..
تركي ناظرها مصدوم ضن انه يتوهم .. حس بمشاعر غريبه من حركتها هذي ..
قال ببرود وجفاء : جوالي نسيته هنا ..
سجى سحبت الجوال بسرعه من تحت المخده واعطته اياه .. وهي ساكته ..
منحرجه من الموقف اللي صار لها اكيد هاللحين نفخ ريشه وصدق نفسه ...
تركي اخذ الجوال وطلع ساكت .. نزل لتحت مبتسم ..
كذا حس انه رايق ومبسوط ..
ناظر بالبيت الوصخ والمزبله من بعد عيال اخواته ..(( ياربي سجى تستاهل اللي اعمله معها والا لا ..
لو اني ماشفتها بعيوني بالحفله ..
ومع عمر كان كذبت اي شي عنها ..
هذي بيبي برياءه .. وعفويه ..
يارب ريحني من العذاب هذا ..))
دخل للمطبخ دور له شي ياكله ماحصل .. : يالله نشبه والله جوعان والمطاعم ماتوصل هاللحين ..
ومافيه شي ينوكل ..
اخذ له قطعه كيكه من الثلاجه مايدري من وين جاءت ..لكنه ذاق مثلها ببيت متعب يعني ربى هي اللي ملت الثلاجه من الاغراض هذي ..
(( يووه ياسجى كنتي اميره عند اهلك .. اكيد انك دلوعتهم واخر العنقود وماذقتي الجوع بيوم .. ))
شغل له التلفزيون يتفرج على شي بدل الطفش ..
حياته تغيرت بس تزوجها ..
من البيت لدوام ومن الدوام للبيت ..
علشان مايعطيها تلعب بذيلها ..
هذا اللي يوهم نفسه فيه والا الحقيقه ..
صار يحب البيت وله طعم بوجود المشاغبه فيه ..
..................................
سجى على جلستها تلعن نفسها ليه حكت بصوت عالي وعملت هالحركه ..
ناظرت بالبطانيه وتذكرت ان تركي كان من دقايق متغطي فيها ..
حست بتانيب الضمير هو جوعان وماكل شي من الغداء .. لا وهي مطنشته ..
(( مسكين تركي .. ما ضغط علي اعمله اكل ..
اكيد متوهق هاللحين ))
ماقدرت تدوس على قلبها وتتركه ..
نزلت لتحت وشافته يناظر التلفزيون بممل وياكل من الكيكه .. وقفت بترجع .. كيفه لو هو ماهتم فيه ..
لكن تركي لف عليها يناظرها ..
سجى احتقرته ودخلت للمطبخ ..
تركي (( ايش فيها هذي ..؟ ))
رجع يكمل الفلم طفشان وعنده فضول يعرف وش عندها بالمطبخ ..
بعد ربع ساعه ..وقف بهدوء لعند المطبخ ..
ناظر سجى بفستانها الاسود المتوسطته شريطه فوشيه عريضه .. قصير لنص الفخذ ..
تقطع بصل و مشروم ..
شعرها على وجهها بنعومه مع قصتها الغريبه الجذابه ..
حس ان قلبه نبضه تخربط .. فيها النوم وتغالبه علشان تعمله شي ياكله ..
كسرت خاطره ومال قلبه لها اكثر ..
: نانه .. ايش تعملي ..؟
سجى طاحت السكينه من ايدها ولفت عليه خايفه : يامامي .. ارعبتني
تركي (( دخيل الدلع انا ..)) قال ببرود على قد مايقدر : ارعبتك يابنت المامي .. والا انتي اللي مادري وش عندك بالمطبخ هالوقت ..
سجى ببراءه : مو لي لك مو انت جوعان ..
تركي بدون نفس : لااا مابغى منك شي
سجى غضت شفايفها : آآف مو انت حكيت لي فوق جوعان .. ياااربي لما سلقت المكرونه وبديت اقطع البصل تقلي ماتبغى ..
تركي قلدها بالدلع والطريقه الطفوليه : ياااربي لما تعبت حالي تقلي ماتبغى ..
سجى ناظرته مقهوره : انا مو كذا احكي .. ناظر نفسك كيف تحكي بعدها تتريق على غيرك
تركي (( هههههههههه البزر انقهرت .. اوكيه اذا ماهبلت فيك ...))
ردد حكيها وهو يمد الكلام اكثر دلع وببرود : انا مو كذا احكي .. ناظر نفسك كيف تحكي بعدها تتريق على غيرك
سجى انقهرت من قلب .. وتخصرت : لااا مو كذا انا حكي ..
تركي تخصر مثلها :لاااا مو كذا انا احكي ..
سجى غرقه عيونها ومدت بوزها : سخيف ..
تركي ببرود اعصاب : سخيف ..
سجى : لاااا مصدق حالك ..- تقلد صوته الخشن .. لكن طلع ناعم لان صوتها هادي - اقول بو الهش انتم بالبر والا وين .. ياللليل طالعين لثمامه بدوني ..
تركي ماقدر يستحمل شكلها وهي تقلده يموت من الضحك : هههههههههههههه .. هههههههههههه
سجى ابتسمت مع ضحكه .. عيونه تتجعد اذا ضحك وغميزته تبرز .. شكله يجذب اكثر ..
تركي : والله رهيبه لكن ماتعرفي تقلدي ابدااااااااا
سجى بغرور مصطنع : لا اعرف دايم اسمعك تحكي كذا ..
تركي سكت يتاملها (( خساره ياسجى .. لو ان الظروف اللي جمعتنا غير ...))
سجى ارتبكت من تاملاته .. ولفت تكمل شغلها و تصرف الموضوع ..
حست بتنفسه قريب منها وانه وراءها بالضبط .. قلبها دق بسرعه وصدرها طلع ونزل من الانفعال تركي وراها بالضبط ..
تركي بهدوء : وش ناويه تطبخي لي ..
بلعت ريقها من كلمة لي حستها حلوه على لسانه ومنه هو بالذات .. كانت تبغى تقول له اطبخ لك اللي تامر عليه انت بس تتدلل ..
قالت بصوت ضايع من الحياء : فيتوشيني ..
تركي : اوووه فيتوشيني .. وهذي من وين تعرفي تعمليها ..؟
سجى قدمت لقدام ولزقت بالطاوله تبعد عنه : من ايطاليا .. اذكر اني ناظرت طباخ وهو يعملها .. وربى جابت معها الكتاب اللي اشتريناه منه ..
حكت كلام كثير ماتدري وش هو بالضبط .. المهم تحكي تبعد توترها ..
تركي رجع شعرها ورى اذنها بنعومه وهو يهمس لها : وهذا الطباخ مزيون .. تعرفيه .. كيف علاقتك كانت فيه ..؟
سجى وقفت ايدها عن التقطيع وكرهت نفسها .. ضنت بضحكه من تركي خلاص لكن هو ماياخذ المواضيع ببراءه ..
جرحها بكرامتها للمره الالف..
وطعنها بشرفها للمره المليون ..
تجمعت الدموع بعيونها وقالت بصوت مرتجف : ابعد عني ..
تركي ابتسم بالم .. مايقدر يثق فيها .. او يسمع حكيها ببراءه ..
ضيع لحضه حلوه من ايده ..
ناظر بايدها الماسكه بالسكين وترتجف .. جرحها .. خدر احساسها بالحياه من حكيه ..
: قلتلك يا نانه .. انا وانتي مستحيل نجتمع ..
بعد عنها وترك المطبخ كله .. رجع تلفزيون لكن ببال ثاني وهم اكبر ..
سجى تركت السكينه من ايدها وركضت لفوق .. دموعها مغطيه على وجهها ماقدرت تناظر بتركي لانه قتل المشاعر الحلوه اللي بداخلها ...
...................................
اليوم الثاني ..
فيصل (( ماصدق ..
لمستشفى المجانين هذولاء اهلها كيف يفكروا ..؟ ..
يالله مو لهذي الدرجه ..
كل منها ام رياض السوسه اختي الجازي هذي كيف تفكر ؟
لااا وام جراح امي هي السبب .. بتحرمني من القمر .. ))
صرخ داخل سيارته : انا لازم اتصرف ..
لكن اتأكد من الخبر قبل ...
واقنع امي تخطبها لي .. وبعدها يصير خير ..
المشكله امي وش يقنعها وهي شافتها بالعزاء ... آآآآآآآآآآآآآآآآف ..
................................
وعود مانامت من امس تحس بصداع فضيع يكسر راسها ..
الم يشد كل اعصابها ..
طفت التلفزيون ودخلت للمطبخ عملت لها كوب كبير من القهوه الساده الثقيله .. يمكن ترتاح ..
طلعت تتمشى بالحديقه لكن غيرت رايها وجلست بنفس الطاوله اللي جلسوا فيها رياض وكاترين امس ..
الجو صباح وشتاء كانت دفيانه بالملابس الثقيله الرماديه .. داخل البيت لكن لما طلعت بردت .. كسلت تدخل تبدل او تدفى ..
تكورت على نفسها وفتحت شعرها يدفيها ..
اخذتها الافكار اللي حرمتها من النوم ..
واهمها ..
تأكدت ان حياتها مع رياض مستحيل تكتمل ..
ايام قليله معه ماتنعد وتحس جبال الارض على صدرها ..
تغار من كاترين تسمع سواليفهم وضحكهم وتسكت ..
ماتعودت تكون ضعيفه او ساكته وهو يذلها بهذي الطريقه ..وهو قالها بوجهها تزوجتك اذلك ..
وقف رياض خيله قريب من عندها .. وسحره شكلها الجذاب ..
قال بغرور وصوت متعالي : عهد مادري وعد ..وش عندك هنا على هالصباح ..؟
وعود رفعت راسها وانتبهت برياض وهو على ظهر خيل اسود لونه اسووود مثل لون شعرها الليلي ..
شكله فارس بن فارس ..
مافكرت بهالاشياء اللي فكرت فيه شي واحد .. حتى اسمها مايعرفه ...
كملت شرب القهوه الساخنه وهي ساكته ماردت عليه ..
رياض تنرفز منها ماقد شاف مثل غرورها : انتي هيييه احكي معك ..
وعود ببرود : سمعتك وماعندي رد .. لان اسمي وعود .. واو .. عين .. واو .. دال .. وعود .. اذا ماتعرف تنطقها يعني ..
رياض ناظرها بغرور وهو على خيله ..
بنطلون كحلي ضيق .. جزمه بوت طويله سوداء ..
جاكيت ثقيل احمر مع قبعه خيل سوداء ..
شكله من الخياله والفرسان ..
: مايهمني وش اسمك ..؟ المهم هذا انفك انزله للارض ..
وعود رجعت ظهرها وسندته للكرسي ..
راسها يالمها صداع يقطع جسمها ماهي بفاضيه له ..: آوووه بتتعب كثير
رياض ابتسم بثقه وهو مقهور منها .. ثقتها الزايده بنفسها تحسسه بالنقص .. ماقد حس انه ناقص كذا ..
وعود لفت عليه وتذكرت نور وملكتها ..: صحيح قبل لانسى - ترددت شوي لكن كملت - ابغى انزل لشرقيه اليوم
رياض : والمناسبه ...؟
وعود تكره تطلب منه شي : نور بنت خالي ملكت وخطوبتها بكره ..
رياض باستهزاء : اووه خطوبتها ... لا ... مافيه نزله لشرقيه ..
مايستاهل تتركي هنا علشان خطوبه .. و اكيد يابالسطح او الحوش او الخيام ..
وعود انقهرت منه ووقفت رايق على الصباح يتسبب... عارفه انه بيمنعها وماحكت معه الا علشان خاطر نور .. : اوكيه مولازم انزل لشرقيه .. - مشت لداخل وقفت شوي ناظرته باحتقار وكملت - على فكره نور زوجها يزيد الخلد اذا تعرفه .. وماتوقع انه بيعمل ملكته بالسطح او الحوش .. محنا من العصور المتخلفه مثل ماتضن حضرتك ..
رياض (( لا في تطور انقهرت وردت .. هذي قطعه الثلج اللي ماتحس .. لكن انا اللي بخليك تصرخي وتذوبي .. شوف كيف بتباني خوافه من الخيل ..)): وين داخله ..؟ ماتبغي تركبي خيل ..
وعود تذكرت جده لما ركبوا خيل مع اهلها وانبسطت معهم .. قالت بثقه : اكيد ابغى ..
رياض (( هذي ايش حتى الخيل تبغى تركبه لكن بادبك انا ..))
نزل من خيله الاسود العنيد وابتسم بخبث ..(( الجامح خيلي العنيد ... من يقدر يروضه .. اكيد بيرميك بالارض ههههههه)): انتبهي تراه عنيد ..
وعود رفعت نفسها لفوق الخيل بعد مامسكت بالسرج ..: لا انا اتفاهم معه ..
اول ماستقرت وعود بالخيل .. رجع الخيل على ورى و رفع رجلينه اللي قدام على فوق ..تمسكت فيه وعود اكثر وهي تذكر الخيل اللي بجده علمها صاحبه او السايس كيف تروضه بسهوله ..
ضل يحاول الخيل ينزلها من على ظهره وهي متمسكه فيه ..وتمسح عليه تهديه وتحسه عنيد مثل رياض.. لكن اذا قدرت عليه بتكسر عين رياض وانفه ..
رياض توقع انها تطيح على الارض باي لحضه الجامح كان معصب ويبغى ينزلها من ظهره .. ماصرخت ولا بكت مثل كاترين اللي تخاف الخيول ..
هذي قويه ماتهاب الخيل العنيد ..
(( ياليته يطيحك على ظهرك وارتاح منك ..وتنكسر شوكتك ))
لحضات الا الجامح يمشي بهدوء ووعود على ظهره بثقه ..ابتسمت بانتصار لرياض : ها ايش رايك .. تفاهمت معه صح ..
رياض ناظرها بانبهار قوتها جذابه .. شخصيه واثقه قويه بدون ماتكون متسلطه ..
ركضت بالخيل لبعيد وشعرها الاسود بلون الليل يتحرك معها ..
ساحره بجمالها .. يحسها فتنه على الارض .. كل ما زادت قوه زاد هو عناد وانجذب لعندها اكثر ..
كره الدلع والمياعه اللي بكاترين .. حب الانوثه والثقه اللي بداخل وعود ..
جزء منه تكمله قوتها ..
اشر لها توقف ..
وعود كانت مبسوطه على ظهر الخيل والاهم من هذا كله ادبت المغرور رياض ..
كانت بتعاند وتطنش تاشيراته .. لكن البرد دخل بعظامها ..
ونزلت من عند الخيل ميته برد ...تصك اسنانها ببعض : الجامح والجامح قلت هذا بيرميني ويرفس فيني ..
رياض مسكها من ايدها معصب وسحبها لداخل البيت
استغربت من عصبيته كل هذا علشان خيل .. : ايدي ..
رياض ناظرها من فوق لتحت : اقسم بالله انك بنت ابوك ياوعود ...(( محد بيهبل بي غيرك .. حمار يعقوب اللي تركك .. ))
وعود ما فهمت عليه يسبها يمدحها لكن مشت معه لداخل بيتهم وغرفتها بالتحديد ..
.. ممنوع ×× مشفررررر ×× رقااااااابه ...
...."محذوووف " ..." مشفر " ... " رقابه " .......
.............................
احمد بصوت مبحوح وماهدى من البكي ..ايوه .... بكى اذا ما بكى نجلاء من يبكي ..: ومن دفنها ..؟
لمى : اخوانها ..
احمد هز راسه وهو سااكت ..
لمى متعلق فيه وسانده نفسها عليه ماصدقت ان عمها بعيش ..ابتسمت له من قلب : الله لايحرمني منك ..؟
احمد : ياليتني كنت مكانها .. ليه ليه عملت كذا .. ليه تموت وانا اللي اعيش علشانها ..
لمى تنهدت : عموا خلاااص لاتضايق نفسك ..
احمد بضيقه : متى بطلع من هذي المقبره ...
ناظرت لمى بالمستشفى وهي طفشت منها اكثر منه : اليوم ودكتور مشعل يقول من هاللحين تقدر تطلع ...
احمد بحقد : دكتور مشعل .. انا له هذا الدكتور مشعل والله مراح ارتاح ولا يغمض لي جفن الا لما انزل راسه بالارض ..واناظره وهو يتبهدل بالسجن ..
لمى: ليه الدكتور كان متعاون وحب
قاطعها احمد : لمى انتبهي من هذا المشعل وياويلك اذا قربتي منه
نزل من سريره وحقد الارض كله بقلبه على مشعل (( انا اللي برجع لك كرامتك يانجلاء .. انا اعرف كيف اتركك ترتاحي بقبرك وادفنه بجنبك قريب ان شاء الله ...
واذا بعيش بعيش علشان انتقم لي ولك منه .. لكن قبل لازم اوصل لاخوانك باي طريقه .. انا اللي بعلمك يامشعل الزفت كيف تكون شياطين الانس ))
× ايش براسك يا احمد ..؟
× كيف تاثير موت نجلاء عليك بعد مانزلت اول دموع بحياتك من بعد المراهقه ..؟
×ياترى بتقدر تعيش وتكمل للحضه اللي تذل فيها مشعل ..؟
...............................
فتح لها السواق باب السياره الهمر السوداء .. وانتظرها لحد ماتنزل ..
هواجس مشت لداخل دار الازياء لكن مو القسم النسائي .. دخلت لقسم الرجال ..
متلثمه..
وبرزت عيونها الملونه بالعدسات السماويه .. والرموش السوداء الثقيله ..
شعرها الاحمر الحيوي باين من تحت لغطاء ومتوزع على ظهرها..
كانت تحتقر بنات مثل كذا ...
كاااانت .. وكان فعل ماضي ...
لانها صارت مثلهم .. بعد زواجها من بوماهر وسفرها .. ويائسها من الحياه باعتها ..
تضايقها .. نظرات الرجال من حولها ..
قرب منها سعودي بالشماغ والثوب وشكله مسؤول عن الامن بدور الازياء الفخم .. : لو سمحتي ..
هواجس ناظرت وتحس ان الرجال كلهم مثل بوماهر او يزيد .. لعنه الارض الرجال .. الا فهد حبيبها اللي جاءت علشانه ..: ايوه في شي ..
المسؤول : لو سمحتي هذا قسم الرجال .. اقصد هنا مشغل رجالي بدل رجاليه اذا تحبي على يمينك قسم النساء ..
هواجس بهدوء : ايوه عارفه ..لكن انا جايه هنا اقابل فهد ..
المسؤول : استاذ فهد .. لكن هو مايستقبل حد .. اذا تحبي تخدمك ناتلي مسؤولة ال
هواجس قاطعته : لا انا ابغى فهد .. المصمم الفهد ..وبسرعه
المسؤؤل : لكن ممنوع ه
تقاطعه للمره الثانيه : قول له من الاهل .. هواجس ..
حست بالخجل وهي تقول اسمها بجراءه وتحاكي الرجال بجراءه اكبر .. وين الخجل والحياء ضاع منها بسبب ضغوطات ظروف تافهه ..
يمكن لانها متاكده ان مالها الا هذا الشايب اللي معقدها بحياتها .. قررت تعيش حياتها ...
دخل المسؤل لغرفه وبعد دقيقه وحده طلع منها ووراءه فهد وجهه ممتلي ابتسامه .. كان لابس ملابس سبور وعاديه بزياده ...: اؤؤه هواجس سوري ماكنت عارف انك - ناظر ساعته - بتيجي الساعه 4 والا كان فرشت لك الارض ورد هههههههه
هواجس ناظرته ساكته يحكي وهو مرتبك متلخبط .. اشتاقت له ولسواليفه
انحرجت انها جاءت له بدري ..
: لا انا جيت بدري لان عندي مواعيد كثيره ..
فهد اشر لها تدخل لمكتبه اللي طلع منه : تفضلي تفضلي .. يا كمال عصير و كيك بسرعه ..تفضلي ادخلي ..
دخلت هواجس وجلست على الكرسي .. فتحت لثمته وبلعت ريقها ... تحس قلبها بيوقف من وجود فهد معها .. لكن تفصل بينهم مسافات تحسه بعيد مع انه جالس قبالها بالمكتب ...
فهد حط ايده ورى شعره يحكه : سوري مكتبي حوسه مادريت انك بتجي ..
هواجس بهدوء : لا عادي
ناظرت بالعقد اللي لابسه امس ماشافته .. فيه الخاتمين اللي اعطته هديه ..
ايدها بردت من التوتر والارتباك ..
فهد ماحكى ضل ساكت يناظرها هواجس هي هي هواجس قباله .. طول الفتره اللي راحت يناظرها بالصور ورسوماته لكن هاللحين واقع قباله ..
اندق الباب كان كمال وبيده العصير والكيك ..
من ارتباك فهد وقف واخذ منه الصينيه ... مايدري ليه وقف كان بيرجع يجلس لكن انحرج لان هواجس ناظرته ..وكمل طريقه ..
قدم لها الكيك والعصير ..: ها اخذتلك مانجو اخبر انك تحبيه ..؟
هواجس : لا شكرا شبعانه .. ماعاد فيه شي يدخل بعد الغداء وم
قاطعها فهد وهو يحلس بالكرسي اللي قبالها مو ورى طاوله الخياطه ومكتب الرسم ..: لاااا وش شبعانه .. كلي انا ماتغديت ونفسي مسدوده كلي يمكن اشتهي اكل وانتي قبالي ..
هواجس مالها نفس تاكل .. تحس فهد بعيد في مسافات وحواجز بينهم .. غير الاسبوعين اللي بايطاليا .. يمكن لانهم بالسعوديه وهذا عيب قدام الناس كلها ..
بلده محترمه تفرض عليك تحترميها وتحترمي تقاليدها
فهد نفس الحكايه ماهو قادر يقرب من روحها ونفسها بعيده عنه وهي قبالها ..
كانت اقرب له بايطاليا .. حزينه ومتضايقه .. عيونها مهمومه لكن تكابر وتحاول تحكي عادي ..
هواجس اخذت الشوكه : اوكيه يله انت ..كل
اخذ فهد الشوكه وقطع له ياكل وهو مغصوب ..
هواجس اكلت قطعه صغيره وفهد يراقبها .. يخف يرمش وتضيع لحضه مايشوفها فيه
هواجس برسميه : انا جئيت لهنا ابغى اختار لي فستان من تصميمك
فهد: واذا قلتلك انا اخترت لك فستان .. - لمعت عيونه بحب وشوق - والله ماتفصل الا لك لوحدك ..
هواجس تجمعت الدموع بعيونها مسكتها وحاولت تعطي لشكلها البرود اثرت فيها النظره اكثر من الحكي .. عيونه ماتكذب ..
فهد وقف بسرعه لانه حسها تضايقت .. فتح دولاب صغير مخصوص للفساتين السبيشل ..
كان فيه فستانها التوتي اليتيم .. طلعه بهدوء وكانه شي مقدس يومين مانام سهران عليه ..ولعيونها ..: ايش رايك
هواجس شهقت وابتسمت : يااااي يجنن .. فضيع
فهد : قلتلك ماتفصب الا لك لوحدك ..
هواجس نست الفستان وناظرته نفسها تساله .. كنت تفكر فيني ..؟
افتقدتني بايطاليا ... ؟ زرت الاماكن اللي كنا فيها سوا ..؟
فهد هز راسه وقراء كل هذا بعيونها : ايوه ياهواجس مانسيتك .. والله ماغبتي عن بالي لحضه ..
هواجس فتحت عيونها وخافت انها حكت بصوت مرتفع لكن شفايفها مانطقت ماتحركت ..
فهد قرب ومد لها الفستان : زرت نافذت جولييت اكثر من مره وتذكرت شكلك وانتي تنادي باسمي اول مره ..
هواجس رفعت راسها تناظره وهو واقف قبالها طويل وهي جالسه على الكرسي ...
عضت شفايفها لحد ماحست بطعم الدم بفمها ..
كمل فهد وهو يناظر بعيونها المتعذبه : كم يوم بس عرفتك فيه والله ياهواجس مافيه بنت حركت قلبي غيرك ..
انبسطت بزواج اختك ليزيد علشان اقدر اشوفك .. اخيط فستان بايدي لك بس ..
هواجس بضعف ترجته : بليز فهد اسكت ..
فهد ناظرها مصدوم ليه تسكته .. تكرهه ماتحبه ..
هواجس نزلت راسها وماسكه دموعها ..: داريه اعرف كل هذا لكن مابغى .. - رفعت راسها - انا متزوجه .. سعود زوجي ..نسيت ..
فهد نزل لعندها : اتركيه .. اطلبي منه الطلاق .. تعالي معي .. ماما حبتك كثير ..
هواجس هزت راسها : مستحيل انت تحلم .. وامي وملاك اختي .. ونور ويزيد ..والاهم ابوي
فهد : ايش فيهم ..؟
هواجس ضاع صوتها وبكت مراح يفهمها ماتقدر تقوله اهلي ماعندهم بيت الا بيت سعود .. ابوي مديون ملايين مو مليون لابو ماهر ..
يزيد بيده مصير نور وبطلاقي باثر عليهم ..
فهد بحنان : هواجس انتي تحبيني صح ..؟
هواجس ناظرته مصدومه جرياء مستحيل تعترف له كذا ..
فهد ابتسم بحنان : اوكيه ماعليك من هذي انا متاكد انك مو بس تحبيني الا تموتي فيني مثل مانا اعشقك ..
هواجس ...
اعشقك .. يوه سمعتها بالافلام كثير لكن مافهمت معناتها الا هاللحين بهاللحضه وفهد قبالها هي ..
فهد بتردد مسك ايدها وسحبتها بسرعه ماتتصور يكون لها عشيق وهي متزوجه ..: ليه تبعدي عني ..؟ ليه ماتبيعي كل شي علشاني وانا اقتل نفسي علشانك
هواجس وقفت بعصبيه : لاااا لايافهد .. مستحيل مو انا اللي اخون او اهرب من مسؤلياتي ..
فهد ناظرها ساكت ..يتاملها ..
هواجس ارتبكت من نظارته اكثر : لا لاتناظرني كذا ..انا غير غير اللي تضن ...
فهد : ليه .. ليه تخافي .. اخلعيه ..وانا معك ..
هواجس هزت راسها وهي تسحب الفستان : ابلبس هذا وبرسل قيمته مع السواق .. وانساني ..- رفعت راسها وناظرته بعيون قويه وهي من داخلها تتحطم .. - .. ارجع لروما وريحني منك وانت بعد ارتاح... مالك مكان هنا ..
طلعت بسرعه تركض هي ماجائت له يعترف بحبه كل اللي كانت تبغاه تناظره وتكحل عيونها فيه ..
فهد شخصيه حالمه ورومنسيه .. ورفض هواجس بهذي الطريقه جرحه ..
ظل واقف مكانه يناظر بالفراغ اللي تركته ..
مو بس بالمكان بقلبه بعد ..
(( انا .. انا ياهواجس مالي مكان هنا ..
انا تبغي ترتاحي مني ..
وانا اللي مانسيتك لحضه .. اهملت شغلي افكر فيك ...))
هواجس بس دخلت للهمر بكت .. غطت وجهها بيدها وهي تضم الفستان ...
لازم تبعده عن طريقها علشان يرتاح وهي بعد ترتاح ..
حرام تعذبه وتبهدله معها .. لانها تحبه جرحته كذا ..
هي مشوارها طويل ...
ومصيرها تتعذب ليه تعذبه معها ...
.................................
اعوذ بالله انت من ايش مخلوق ها.؟
ريان ناظر بولد عم ابوه ببرود : ضف وجهك ..ويله ببره
صرخ : انت مو بشر كيف تطيح اسمي بالسوق كذا انا شركتي مختلسه وناصب على الناس حرام عليك والله حرام
ريان بغرور احتقره : لاتصرخ كذا تذكر انا قلتها لك قبل بتندم على اليووم اللي عاملتني فيه زفت وانا اشتغل بشركتك ولسى ماشفت شي
طالعه عيونه من الصدمه : لا بالله انا ماتعامل مع بشر جد انت شيطان .. قطع الاعناق ولا قطع الارزاق .. هذا وابوك مانشف ترابه وانت بجبروته
ريان بطفش رفع التلفون : اسمعوا اشحذوا هذا الحشره والطفيلي بره ..
انفتح الباب بسرعه ودخلوا طوال وضخام وجروا برى وهو يحتقر ريان : حسبي الله ونعم الوكيل عليك يا ريان حسبي الله عليك .. اشوفها باغلى الناس على قلبك .. جعل قلبك يحرق على من تغليه ..
...................................
شغلت نفسها بتلفون مع وعود اللي عاتبتها ليه ماحكت لها عن كاترين ..
وحست انها مفروض تحكي كل شي لوعود تبري ذمتها ....
وحكت لوعود عن اغتصاب تركي لها .. مصممه على كلمه اغتصاب لانه مو مهتم للي عمله لها ..
نزلت لتحت وتهاوشت مع راما بنت اخو تركي اللي بالابتدائيه ..
سجى مقهوره ومعصبه : اسكتي وكلي تبن سامعه ..
راما بنت اخو تركي .. بالابتدائيه : لاااا انتي اللي تسكتي يالدلوعه
سجى ضربتها على كتفها : مالدلوعه الا انتي انطمي
راما صرخت : لاتضربي مع وجهك
سجى : انا مع وجهي اوريك ..
ضربت راما على ظهرها بقوه كانت تطلع قهر تركي واهله الغثيثين فيها .. وراما المسكينه بكت وصارخت : ماااما ماااما
سجى كانت تفرغ شحنات بجسم المسكينه راما .. وقفتها صرخه نوره : وجع ان شاء الله اتركي البنت
سجى احتقرت نوره : انقلعي لارفس فيك وانزل اللي ببطنك ..
كملت ضرب براما..
تجمعوا كلهم عند الدرج مستغربين من الصراخ ..
راما ركضت لتركي تبكي وجهها احمر : عمي ضربتني والله ضربتني ..
تركي شاف بعيونه محد حكى له ... عصب على سجى : انتي يالمهبوله تنزلي عقلك بعقل الصغيره هذي ..
سجى اشرت على راسها : كيفي .. - باحتقار دفت نوره - وانتم يله يله شيلوا قشكم وانقلعوا لبيوتكم ..
تركي استغرب من اسلوبها ماكانت كذا.. وقف مصدوم بالوجه الثاني لسجى ..
اما نوره دفت سجى بقوه : انقلي انتي من هنا ياقليله الادب
سجى بتهديد وهي تقرب من نوره بتضربها ..: هاااا لاتفتحي فمك لاذبحك هاللحين
ام تركي : اذبحك مابقى الا هي ... تركي وراها زوجتك منجنه ...
سجى بغرور: اقول عجوز خيبر مالنحس الا انتي ويله فارقي من وجهي هاللحين ..لاو
سكتها كف على وجهها من ايد تركي .. ناظرها وعيونه يتطاير منها الشرر: انطمي وسدي حلقك .. مابقى الاهي ترفعي صوتك على امي وبحضوري .. وتضربي بنت اخوي .. انتي انهبلتي شكلك
سجى حست بالاهانه قدام الكل ضربها .. ولا مو اي ضربه كف يذلها فيه ..
قالت بلامبالاه ..: لااا رجال والله .. اضرب بعد .. علمهم الرجوله .. ماقول الا مالت على حظي اللي رامني بالزباله هذي ..
تركتهم وطلعت فوق .. هي ماصارت تحرك شي بالبيت هم يوصخوا وينظفوا .. وتركي حاول معها عاندت وبالاخير استسلم ..
ولما نزلت اليوم بتساعد لانها طفشت تهاوشت مع هذي البزر راما ..
دخلت غرفتها وسكرت الباب بهدوء .. وبكت ..
جريح ........... جريح ....
واللي علمني ....... "المشي ".......... علمني اطيح ....
واللي اشتراني .........." بالذهب " ..... باعني برخيص ....
قررت تعطيه البرود والا مبالاه .. خلاص ليه تحاول معه وهو مو شايفها حتى ..
وبتسب وتتهاوش لحد مايطلقها وترتاح .. واول ماتفكر ترجع مراح ترجع لبيت اهلها لا لبيت جدها الغالي ..
تركي كان معصب من جد .. رجع يحكي مع اهله ولا كان شي حصل ..
لكن هم حسوا بعصبيته ومافتحوا الموضوع علشان مايضايقونه ..الا نوره مارتاحت وهو يقهر بنفسه وساكت ..
دخلت للمجلس واخذته معها : هاللحين ليه معصب .. حركاتها مدلعه وش تنتظر من بزر مثلها ..
تركي جالس بجنب نور مهموم ومارد عليها ..
نوره : تركان وش فيك ..؟ اذ ا فيك قهر منها اطلع كمله عليها .. لاتقهر بنفس اطلع حاكيها
تركي وقف بعصبيه ومرتبك ..: اكيد تبكي .. كذابه تستخدم اسلوب جديد مو مهتمه لكن داخل تبكي ..
نوره ناظرته مستغربه .. : ليه مرتبك ومعصب تبكي والا قلعتها ..؟
تركي زاد ارتباكه وتوتر : لا عادي ..
نوره ناظرته مصدومه تركي يحب سجى .. تركي مايرتبك كذا الا وهو خايف على حد يحبه او متضايق علشانه ..(( لاااا لاااا ياتركان مو هذي اللي تستاهل قلبك .. هذي ظفرك ماتوصله ..انت من اول ماجئينا حالك مو عاجبني .. اكيد اكتشفت انك تحبها ...
والله مراح اسكت .. مستحيل اخليك تعشقها لازم اتصرف بسرعه..
مالي الا حنين واهل القصيم .. ايوه مالي الا هم ..))
: اوكيه تعال تعشاء وسع صدرك .. مصيرها بتسكت ..على بالها لابكت بنسكتها او نحن عليها ..مثل اهلها ..
تخونهم وهم يضحكوا بوجهها ويطبطبوا عليها .. لحد ماضاعت استغفر الله ..
تركي تذكر حقيقه سجى من وراء براءتها تعمل اللي تبغى .. ورجع يكره هذا الشي فيها ..: على قولتك هالاشكال ماتستاهل حد يناظرها ..
ابتسمت نوره بعد ماحست انوا حكيها اثر فيه ..
* سجى كملي لاتغيري طريقتك الانسان بدون كرامه يسموه حيوان
* وانت ياتركي .. نقول مبروك ههههه ...
وترى ياتركان .. الايام قدامك اعمل هاللحين اللي تحب وتبغى وتذكر حكي سجى انك اذا تاكدت من عفتها مستحيل تسامحك وقتها ..
...................................
هواجس : متوتره ..؟
نور بعصبيه : لا وليه اتوتر مافي شي يستاهل ..
هواجس (( صدقتك واضح معصبه )) : امم بس بكره ملكتك
نور رمت الريموت وقفت : واذا ملكتي اقطع نفسي ...
هواجس ابتسمت بخبث : وين وقفتي .. ارتاحي..؟؟
نور بهدوء : لا بطلع فوق انام ..
هواجس : اها تنامي قلتيلي ..مو كانه بدري الساعه 8 بتنامي ..
نور : ايوه بصلي وبنام ..تصبحي على خير ..
طلعت بسرعه للاصنصيل قبل لاتسالها هواجس بشي ثاني ..
رمت نفسها على السرير بقوه تتمنى يتكسر ظهرها قبل لاتملك بكره على هذا اليزيد ..
: آآآآآآآآآآآآآآآآآآآآآآآآآآآآآآآآآآآآآآآآآف ... ياااارب ارحمني .. قبل لاصير زوجته رسمي ...
غطت وجهها بالمخده كتمت النظر عن عيونها تبغى تفكر بهدوء حتى بعيد عن النور ...
: نور ويزيد.. يزيد ونور .. حتى مايركب .. نور وراكان .. راكان ونور ياااي كذا يركب .. آآف كيف بكون زوجته قررررررف ..
......................................
بالقاهره .. داخل الشقه
ندى: اقول نجود
نجود بالمقلط تحف وجهها : خيييييير ..؟
ندى : مانتي بجوعانه ..؟
نجود تحتقرها : خالك اخذ فلوس الغداء وماشفنا وجهه ..
ندى : يوه مع وجهه هذا الطماع
نجود بخبث : ندوش مالاحظتي شي ..
ندى : الله يستر ماتقولي ندوش الا وراك بلى ..خيرررر
نجود : اممم هذا انس اللي صادفناه بالطياره ومعنا بالجامعه بس يتلزق فينا ..
ندى: هذا انس راعي الدكتوراه ماعليك منه .. ولا يتلزق ولا شي هو معنا بنفس القسم بس دراسات علياء واتركي عنك هالخرابيط - تغير الموضوع - الا شمس ولمى متى بيوصلوا ..؟
نجود: ماقلتلك بنت اخت شمس ماتت ..
ندى : جد الله يرحمها ..
نجود: آمين .. لا وطلعت هذي بنت اختها زوجه عم لمى وهم مايدروا ..
ندى : غريبه كيف مايدورن ..؟
نجود وهي مندمجه مع الحف : وانا وش يدريني شمسوه تقول مايدرون عن زواج بنت اختها الا هي ولمى والعريس وبس
ندى شهقت : كانت متزوجته بالسر
نجود: مسياااار وش سره
ندى : اعوذ بالله من ورى اهلها ماهي بصاحيه ..
نجود ببرود : عادي هذا انتي من ورى اهلك سافرتي
ندى عصبت : لااا ياقلبي فيه فرق ..هذاك زواج مو لعبه ..
نجود: وهذا سفر مو لعبه .. على الاقل تزوجت ستر مو سافرت
ندى تنرفزت من نجود وحست انها مو طايقتها اكثر : ادخل انام احسن لي من وجهك ..
رمت عليها المخده ودخلت معصبه ..يكفي هي تحاول تنسى وضميرها يعورها ..
كلمت هواجس تعرف اخبارها ..واخبار اهلها الاهم .. وياليتها ماكلمتها .. عرفت الحقيقه المره
: الو هوجد كيفك؟
هواجس ببرود وهي متغطيه بالبطانيه : هلا كيفك انتي ..؟
ندى : سلامات ليه الاخلاق مقفله ..؟
هواجس تنهدت : فهد بالسعوديه ..
ندى فتحت فمها : فهد..؟؟؟؟؟؟؟؟ .. من جدك انتي
...................................
شموخ ساكته ماصرخت ولا عملت ولا شي .. اكتشفت باليوم الواحد اللي جلسته .. ان المرضى اللي يسكتون ولا يعملوا قلق .. مايتعرضوا لصعقات الكهربائيه ولاللابر المهدئه علشان كذا سكتت احسن لها ..
واخذت الاكل بهدوء واكلت .. لانها جوعانه مره ..
بعد صلاة العشاء ..
دخل ريان عليها وبيده كيس شكولاته اللي تحبها : مساء الخير ..
شموخ لفت وجهها عنه مثل امس ماتطيقه تكرهه ..: .........
ريان تنهد : الشكولاته اللي تحبيها ..
شموخ هزت رجلها ونزلت دموعها تبغاه يطلع من حياتها وش يبغى فيها بعد ..
ريان لما بكت كان نفسه يبكي معها .. هو بعد تعبان .. هو محتاج يرتاح .. خلاااص الهم قتله ..
بحنان .. : ليه .. ليه تبكي..؟
شموخ بكت اكثر وصدت عنه وهي ترتجف وتصرخ بداخلها (( اكرررهك اكرهك ..))
ريان عد بداخله لحد العشره يهدي اعصابه (( 12345678910))
وهو بمكانه مد لها الشكولاته : خذي ..
شموخ ضغطت على اذنها وتكورت على نفسها تبعده عن بالها وتبغاه يفهم انها تكره حتى صوته ..
ريان بخيبه امل ترك الشكولاته وطلع ..
شموخ غطت نفسها بالغطاء الخفيف بهذا البرد وبكت من قلب ..تبغاه يرجع ليه يتركها ويروح .. ليه نفسه قصير ومايستحمل ..
* ريان وش تسوى الحياه واللي تفدى نفسك علشانه مايهتم لك او حتى يطيقك وممايكرهك ..
*شموخ وبعدين معك متناقضه كثير .. تبغي ريان والا ..
...................................
.. يوم الخميس ..
يزيد وقف عند البوابه يبتسم مبسوط
خالد : والله معرس ..
يزيد كان مبسوط وعيونه تبرق : ههههههه ..
فهد : لا يزيد غير الليله من زمان ماشفتك كذا ..
يزيد ضبط الثوب وهو كان مبسوط مره نور يحسها غير ..
برياءه وطيوبه ومحترمه والاهم نظيفه : ههههههههه
فيصل : ناظروا الرجال بس يتبسم ويضحك قل كلمه احكي شي
يزيد ناظر بفيصل وعيونه تبرق بلمعه مميزه : يحق لي زوجتي حوريه من بنات الحور .. عقبالكم شباب ..
فيصل بخبث : قريب ان شاء الله ..لاحقك ..
خالد : يعني مابقى الا حنا ها يافهد
فهد بسرعه : لاااا انا اغسلوا ايدكم مني
خالد : لا لاتحكي شي اكبر منك .. من يصدق يزيد بعد 32 عنوسه يعرس صدقني بتلحقه ..
فهد له مكانه مميزه بقلب خالد وفيصل ويزيد .. شخصيته جذابه كل ربعه يحبونه ..
: يمكن ..
بو نواف كان وجهه متغير متضايق لان ابو هواجس سافر واخذ معه بنته بدون مسؤليه وترك نور هنا ..: يله يا يزيد بتدخل..
فيصل يتميلح : وحنا مانقدر
بو نواف بابتسامه باهته: لا اكيد الشباب اللي حاب يدخل معه يدخل ..
خالد وفيصل ضبطوا شماغهم وناوين ينزفوا مع يزيد .. فهد وقف مكانه .: انا مستحيييل ادخل ..
فيصل : افا ليه مستعرض بالتلفزيونات ولمجلات وهاللحين ماتبغى تدخل
فهد ابتسم بخبث : علشان كذا .. الحريم مو صاحين والله
يزيد جره معه : اقول يالمطلوب عند الحريم الواثق تعال معي ..- صرخ ولا كانه معرس - يبه .. عمي سعووووود ..يبه .. يله ..
فيصل مد ايده وحط بيد يزيد شي صغير : اقول زيود خذ الهيروين لاتفضحنا ..
يزيد بثقه : لاتخاف اخذت جرعتي .. واذا على كاسه الخمر شاربها من زمان ..
فيصل ضربه على ظهره بقوه : تعجبني هههههههههه
سعود ضبط البشت ودخل قبل يزيد ..
كانت زفه لرجال وبعدها الحريم ...
بو ماهر اول واحد دخل وكان مبتسم من قلب وشوي يتشقق حلقه هذا زواج يزيد .. زوج ثلاث من اولاده وبنتين وماحس بفرحه مثل اليوم بولد اخوه ..
لانه مربيه وعارف انه يحبه لانه سعود عمه وابوه الثاني مو لفلوسه ..
وقف بو ماهر عند الجسر لحد مادخل يزيد وكان ساحب فهد بجنبه زفه معه ..
يزيد باالشماغ الابيض والثوب الابيض العذاب مع طوله الرزه ..
وشعره الطويل عند رقبته .. عيونه واسعه ملفته للانتباه وانفه حاد وطويل مره .. ذقنه طويل وفيه سكسوكه سوداء وزلفه واضح من بياض بشرته ..
كان احلى مافيه ابتسامته الواثقه واضح انه مبسوط الكل مستغرب سبب حماس يزيد لزواج من نور ومبسوط كذا ..
فهد حاول مايسرع مره مثل عروض الفشن اللي يعملها ويدخل مع العارضات ويطلع ..
مشى على مهله بجنب يزيد اللي ماسك ايده كانت ايد يزيد بارده ومتوتر .. ماتصور ان يزيد مرتبك كذا عكس مايبين يضحك ويحكي براحه ..
تمنى فهد بهذي اللحضه شيئين .. الاول انه يعرف للشماغ والثوب ويلبسه ..
والشي الثاني وهذا الاهم .. ان هواجس هاللحين تناظره وتحس انه يتمنى يكون معها بالحلال ..
اما فيصل وخالد كانوا يناظروا الحريم من تحت لتحت.. وفيصل ماتملى عينه غير شموخ هي وبس الجمال بنظره ..
لكن يمتع نفسه ..
هواجس ناظرت بفهد وحست بالضيقه ليه توهم نفسها باشياء مستحيل تصير .. فهد مو لها ومستحيل تكون معه بيوم ..
ليه تتعب نفسها وتخون زوجها وتعذب فهد معها ..
موهي اللي تفرح وتاخذ الشباب اللي يحبها ..
خلصت زفة الرجال .. وجلس يزيد على الكوشه مبسوط واثق من نفسه ..
الحريم محتارين يناظروا من ويتركوا من .. كل واحد منهم يقول الزود عندي الا بوماهر طبعا ..
اربع شباب مثل فلقت القمر وبالذات المصمم اللي كانه اجنبي.. فهد بالبدله السوداء .. و لانه مصمم ومشهور صار الاقرب للحريم ولحكيهم ..مو هذا بايطاليا وش مجيبه هنا ومن هالحكي ..
بو ماهر حكى مع هواجس من بداية المسرح : قولي لنور تتجهز من بيدخلها
هواجس متنرفزه : ليه انت شايف عندنا رجال يقدر يدخلها بتدخل لوحدها اكيد ..
بو ماهر تذكر ان بو هواجس ماعنده الا اخت وحده وخوان ماعنده : اوكيه قولي لها تتجهز ..
فهد كان يناظر هواجس باللثمه والمكياج التوتي مع الفستان .. شعرها واضحه منه خصل الشعر الاحمر الجذاب ..
ناظرته بنظره غريبه مافهمها لكن نظره حزينه
لفت وهي ترفع عبايتها وذيل الفستان واضح من تحت العبايه وراها ذيل طويل .. راحت لداخل باب
تنهد بضيق وندم على اللحضه اللي فكر يجي فيها لسعوديه ويعذبها ويعذب نفسه ..
دخلت هواجس عند نور اللي لحد هاللحين على حالتها تبكي ..
حست انهم منحوسات وحضهم شين نزلت دمعتها مسحتها بسرعه : نور وبعدين معك
نور تبكي : مابغاااااااااه مابغاه تكفون افهموني ..
هواجس : نور وبعدين معك ترى زفتك بعد خمس دقايق .. اتركي المره تحط لك الميك اب .. متى بتخلصي ..؟
نور بقهر تبكي : انت شايفه بذمتك هذا ابو ابوك حتى ماتعب نفسه يحضر معي كاني يتيمه محد مدخلني على رجلي ..
مسكين زوج عمتي ماهو بمسؤول عني وتعب حاله..
هواجس سكتت مالها وجه تحكي ..وماتعرف وش ترد عليها
قالت بحنان تهدي نور : حطي بوجهك شي الله يعافيك نور اتركي هذا اليوم يعدي
نور بانفعال : واللللللللللللللللللللله مانزف والله والله مانزف وش تبغي الناس تحكي عني ..
هواجس من زمان تحاول بنور بالغصب رضت تلبس الفستان وتستشور شعرها عند المكياج مارضت ..
: يااااالله يانور ليه تعملي كذا اللي فيني مكفيني وامي مسكينه الضغط مرتفع عليها ووعود ماحضرت .. الله يعافيك اطلعي ..
نور بعناد : انا ماعندي كبير او رجال يوقفني عند حدي واشوف كيف بتطلعوني ..
هواجس شويه تبكي نور راكبه راسها : يالله يانور ابوس ايدك عدي الليله هذي على خير..
نور وبعيونها عناد واصرار : لااااا
هواجس طلعت من عندها وهي ماسكه دموعها بتبكي ماتدري وش تقدر تعمل مع هذي البزره الغبيه ..
اشرت لابو ماهر والدنيا ضايقه فيها ..وماهي بشايفه حولها ضباب على عيونها من الدموع والعدسات ..
: ماهي براضيه تطلع وانا تعبت معها ..
بو ماهر عصب : وهذي اختك كيف تفكر ..
هواجس تنهدت : بليز سعود ماني بناقصه انا تزيدها علي
بوماهر عصب اكثر : والثواة كيف تترقع هذي ..
هواجس بضيقه : والله مدري
بو ماهر: اقثم بالله نفثي اجرها من ثعرها
هواجس : لويفيد عملتها ..
بنفس هذا الوقت كان يزيد حاس من توترهم ان في شي مو طبيعي : فهد ..
فهد : هلا
يزيد :مانت ملاحظ ان عمي وهواجس فيهم شي مو طبيعي
فهد كان حاس من زمان وقال كانه ماصدق : ايوه شكلهم فيه شي ..
بو ماهر لف يناظرهم معصب
..تاكدوا ان فيه شي ..
دخلت ام هواجس على نور وقالت بحنان : غطي عمك بو نواف يبغى يحكي معك
نور ارتبكت : لا مابغى واتركوني اطلعوا ..
ولا رضت تتغطاء او تتركه يحكي معها ..
يزيد زفوه لبرى الصاله بعد ماحكى له بو ماهر كل شي ..
دخل على نور وهي كانت متقطعه من البكي .. بس شافته غطت وجهها بيدها وبكت اكثر ..
كانت متحطمه ونفسيتها مره تعبانه تحس انها مستحيل تسمع لحد او تقابل حد وبالذات يزيد ..اللي تكرهه اكثر من اي شي بالدنيا ..هو استغلالي مثل عمه ..
يزيد استغرب منها فكر بصوت عالي : ليه .. ليه كل هذا ..؟
ارحمي حالك من البكي..
نور قالت بكره وهي على وضعها : مابغاك .. مابغااااك هم غصبوني انا اكرهك ..
يزيد استغرب اكثر من حالها وضاعت كل الفرحه اللي كانت فيه : ممكن اعرف ليه تكرهيني .. انتي تعرفيني ..؟
نور رفعت راسها وقالت بكره وحقد : لا ....... ولا ابغى اعرفك انا كذا ماحبك اكرهك ..ماطيقك .. اكرهك واكره اللي زوجني لك .. لاتظن بكم ريال خلااااص على طول بنبسط ..ومهرك هذا مايلفت انتباهي ..
يزيد وقف قرب من عندها وجلس عند رجلها يناظرها .. هذي العفه والبراءه اللي يدور عليها من زمان وحصلها بعيونها تحكي معه لكن الخجل بصوتها ..
: طيب هذي الفتره .. فتره خطوبه يمكن تغيري رايك عني.. وبعدين انتي غلطانه انا ماشتريتك او دفعت قيمتك عند ابوك لا .. انا ضنيتك موافقه وموقعه علشان كذا
قاطعتها وهي تصد عنه : لااااااا جديده هذي اللعب على غيري ..
يزيد ابتسم بحنان : نور ممكن تناظريني ..
نور ماتصورته كذاا حنون وطيوب ضنته مثل رياض زوج وعود .. صغير وبطران ومغرور ..
والاهم وسييييم وهذا مو عند رياض ..
لفت عليه تشوف نهايتها معه :........
يزيد ابتسم اكثر: مانتي حابه تطلعي براحتك .. المهم راحتك ..
اليوم يومك ومو حلوه تزعلي فيه ..
نور وقفت دموعها وسكتت مصدومه بالشخصيه اللي قبالها .. توقعت انه غيييييييير ..لكن ماهز من راسها شعره
يزيد نزل جهه من شماغه الابيض اللي رافعه فوق باهمال .. ومسح دموعها من وجهها : مافي شي يستاهل دموعك هذي
نور حمرت خدودها و بعدت وجهه عن ايده : لا تلمسني ..
يزيد وقف : خلاص انا بقولهم مانتي بطالعه ويدخلوا الناس للبوفيه
نور على وضعها مبعده وجهه عنه ..
يزيد ابتسم بحنان : ابلبسك الشبكه هنا .. اهم شي راحتك .. بعطيهم خبر وراجع ..
طلع يزيد حست نور بالدنيا غير..
هي من هذي الليله ارتبطت بيزيد ومستحيل تقدر تغير هذي الحقيقه لكن هي بتعرف تتعامل معه وتطفشه منها .. ومالها الا ندوش المنقذه ..
ابتسمت لنفسها بالمرايه وهي توقف .. كلامها هو اللي مشى الليله وقدرت تحرج يزيد ومايلبسها قدم الكل .. او حتى ماتتصور معه ..
اكيد اهله نفسهم يشوفوها .. هذا اذا كانوا راضين بزواجه من اخت زوجه عمهم ..
ولا يهموها رضيوا والا بالزباله ..
× من متى يا نور تفكري .. كذا او اخلاقك تنزل لهذي الوضعيه ..
لاتتركي حقد على ابوك ياثر عليك ويدمر حياتك ..
...........&............
يزيد تعامل مع بنات كثييييير ويعرف انواعهم ..
ومثل ماتوقع نور ماتجي بالعناد لانها محرومه من حنان ابوها وتحب تعاند تثبت وجودها ..
علشان كذا بشويه حنيه يقدر يكسب قلبها الابيض وعفتها ..
هو تعامل مع بنات كثير لكن نور غير ...
بعيونها شي غريب يهمه وياثر فيه .. ويحس انه قبالها بدون اسلحه او ربطه جاش مثل مايقولواا..
اول مره ينفرد معها وكانه يعرفها من دهر .. ابتسم لهواجس وهي واقفه متوتره ..
سألته هواجس مستغربه من ابتسامته الكريهه : وش اللي حصل ..؟
يزيد بروقان : ماحصل شي ابلبسها جوا ..ودخلي الناس للبوفيه ..
هواجس بعصبيه : يعني مو راضيه تطلع لناس .. اوكيه دام هذا اللي تبغوه اوكيه ..
مشت وتركته .. هموم الارض فوق راسها كيف بتعتذر لناس عن رفض نور لزفه
(( الله يوهقك مثل ماوهقتيني يانوير .. وانتظر فيك يوم ))
اعتذرت الطقاقه ان العروس ماتقدر تطلع لناس بدون حجه واضحه ..
الكل استغرب واعترض في عرس او خطوبه بدون عروس ..
الهنوف اخت يزيد معصبه وقالت من طرف انفها وهي ترفع فستانها : من جدكم انتم وينها اختك ..
هواجس ناظرت بهذي الهنوف بربع عين ولا كانها تناظرها : ايووه ماهي بطالعه .. عندك مانع
قالت بنت شقراء بجنب الهنوف واضح انها صاحبتها..
مشت عن هواجس : قلتلك يالهنوف اخوك ماعنده ذوق يناسب هذي الاشكال ..
الهنوف وهي تمشي متاففه : والله لو ان عمي ماحلف احضر هنا لهذي الاشكال كان والله ماعديت باب القصر ..
هواجس طنشتهم وراحت لداخل عند يزيد ونور وامها علشان تلبيست الشبكه ..
دخلت شافت اهل زوجها سعود اغلبهم بالغرفه الواسعه اللي بوسطها كرسين فخمين ..
هذي اول مره تشوف بنات سعود وزوجات اولاده ..وحفيداته البرستيج ..
يزيد ماعنده الا اخت وحده الهنوف متزوجه من تاجر كبير اماراتي لكن عايش هنا .. .
وعندها بنات كثير وبعمر يزيد ...
ناظروها باحتقار حاقدين عليها وهي زوجه ابوهم وجدهم ..
ماهتمت لهم هواجس
ونزلت اللثمه عن وجهها تناظر ..
بيزيد وهو واقف ونور مبعده عنه بكثير وبعيونها نظرات تهديد لا يقرب منها .. او يفكر يلمسها ..
ام هواجس ناظرت بالجو المتوتر بقلب مقبوض (( حسبي الله عليك ياسعيدان جعلك ماتتهنى وانت بعيد ...))
يزيد اخذ الشبكه عيونه على نور المرعوبه منه .. فستان وردي ناعم .. مميز شكلها ..وجهها احمر من الاحراج بدون اي لمسه من المكياج .. شعرها القصير الاسود على كتفها ومغطي جزء من وجهها بلمعه ساحره ..
هو عارف عفتها متاكد من براءتها ..وشكلها هذا ماصغرها بعيونه بالعكس حس انه مفتخر بالحوريه اللي قباله ..
ناظر بنات كثير واختلط معهم .. كلهم يهتموا بالروج والماسكرا قبل العفه والحياء .. جذابه ببراءتها العفيفه ..
قلبها نظيف حياتها طاهره ..
ابتسم اكثر وهي تناظره بتهديد وعيونها مغرقه .. كل ماقرب خطوه رمشت بعيونها من الخوف وتوترت اكثر ..
يزيد وقف قريب منها وامسك بيدها بسرعه لانه متاكد انها بتتراجع او بتبعد عنه ..
مسك اصبعها يلبسها الخاتم وهي ترتجف..
ماتصور انه بيمسك ايد بارده مثل الثلج ناظر بعيونها كانت بتبكي ..مافهم عليها تبكي خايفه منه والا كارهته جد ..
هواجس تعطي تعليماتها للمصوره تصورهم كويس واعصابها مشدوده ..
اما نور تتمنى الموت ولا تعيش هذي اللحضه مع اكره خلق الله على قلبها .. جاء ببالها راكان بهذي اللحضه وش اللي يعمله هاللحين ..اكيد مع ربى يضحك ومبسوط..
الكل ساكت الا صوت كاظم الساهر مالي الغرفه.. . بموسيقى حزينه ..
كل عااااام وانت حبيبتي .. .
هواجس حست السكوت ثقيل على نفس الكل وكانهم بعزاء..
قالت بمرح على قد ماتقدر : يله نور لبسي زوجك الخاتم ..
نور ناظرت هواجس بحقد وهي ترفع الخدامه من المخده الصغيره الممتليه بالورد .. كانت العامله الفلينيه اللي ماسكه المخده الصغيره مبتسمه بخبث وهي تناظر خوف نور من يزيد ..
على قد ماتقدر اضغطت على نفسها ولبست يزيد الخاتم اللي علق بالنص حاولت تدخله بقوه لكن صررخت يزيد المصطنعه وقفتها : آآه آآه اصبعي ..
ناظرته نور مستغربه .. وهو ابتسم بخبث وقال بطريقه طفوليه : اصبعي المني ...
نور نزلت عيونها عنه خجلانه من دقات قلبها السريعه .. اسلوبه رهيب وهو يحاكيها ويناظرها ..
صحيح حركته هذي احرجتها لكن دخلت لقلبها بخفه ..
ام هواجس و بنات عم يزيد ضحكوا على شكل نور وحركة يزيد : هههههههههه
اما هواجس كانت تناظره باستهزاء .. وغيره تمنت انها بمكان نور تتزوج واحد بشباب يزيد وخفه ظله ..
هزت رجلها بتوتر وهي تذكر ان فهد هنا ومايفصلهم الا كم جدار .. لو عندها جراءه تكسر كل هالجدران وتطير مع فهد ..
حست بغيره وحسد من نور .. حسد يمكن ياذي اختها لكن ماتقدر هي اللي ضحت علشان نور وبالاخير نور تنبسط مع اوسم رجال الارض .. ماشافت مثل حلاه حتى فهد مو بوسامته ولا رياض ولا متعب ولا اي رجال عرفته .. الا سامي اللي وسامته تنطق من طوله الجذاب ..
كل هذولاء الرجال جاءوا ببالها بهذي اللحضه ..الا سعود زوجها اللي ماتعتبره نص رجال ..
بعد ماشربوا العصير واكلوا الكيك ولا تسألوا عن طعم الكيكه بفم نور وكانها تاكل تراب ..
اما يزيد تلذذ بطعم الفانيلا وكانه اول مره يذوقها ..
طلعوا الكل وتركوهم لوحدهم حتى المصوره الفتوغرافيه ماخذت لهم صور كثير لان نور ماهي بمستعده لصور ..بدون ميك اب ..
يزيد جلس بالكرسي المخصص له وعيونه على نور اللي جلست بطرف الكرسي معصبه وعاقده حواجبها ..وجهها احمر
يزيد .. حاول يقرب قلب نور منه اكثر.. لان الجلسه الاولى مع شريك المستقبل تحدد مشاعرهم وعلاقتهم بنسبه 80 % ..
يزيد بارتباك : احم احم .. كيفك هاللحين هديتي ..
نور عقدت حواجبها اكثر وضمت يدينها بقوه ..: ليه مجنونه اهداء ..
ماقد جربت مثل هذا النوع من الخوف.. احساس قاسي وغريب ..لااب ولااخ .. يبعدوا هذا النكره اللي جالس بجنبها يحاول يتودد لها ..
يزيد ضحك لحد مابانت اسنانه : ههههههههههههههه
نور صدرها يطلع وينزل من الخوف والعصبيه والقهر ..
ناظرته وهي ترفع حاجبها بغرور : ماحكيت نكته ..
يزيد ناظر بعيونها المتوسطه لاهي بكبيره جذابه ولا صغيره تنرفز ..
لا عيونها متوسطه الحجم لونها بسواد شعرها ..: ليه خايفه مني .. والله ماعض ..
نور بعدت عيونها عنه مرتبكه.. قالت بعدائيه : وتظن اني بسكت لك اذا عضيتني ..
يزيد عقد حواجبه بتفكير وهو مبتسم : اوه شرسه ..
نور بغرور : مابعد شفت شي اذا لحد هاللحين مصمم تتزوجني ياما حتشوف ..
يزيد وقف وجلس بالطاوله اللي قبالها ... توترت اكثر ونزلت راسها ..
قرب يزيد الطاوله لحد مالامست ركبته ركبتها
..تراجعت لورى ولزقت بالكرسي ..
يزيد بخبث ناظرها .. وقال بصوت عارف تاثيره على البنات : نور ليه كل هذا .. انا زوجك ..
نور تكره السلبيه ماتبغى تكون مثل امها او هواجس قالت وعيونها بعيونه .. ومن بين اسنانها .. : لاني مابغاك ولوسمحت لاتقولي .. زوجك .. لاني اتنرفز ..من هذي الكلمه ..
يزيد استغرب منها ليه تكرهه لهذي الدرجه وهي ماعرفته من قبل : اوكيه براحتك ماتبغي اقولك زوجتي اوكيه .. بناديك بحياتي ينفع ..
نور طلعت عيونها من كلمه حياتي اللي طالعه من فمه الواثق .. وكانها نغمه موسيقيه ..
قالت بانفعال : لااااااااا
يزيد : ههههههه اذني شوي شوي - كمل بخبث وهو ياشر على الخاتم - مايكفي ايدي عورتيها بعد اذوني ..
نور لو الموقف لاحد ثاني كان ماتت من الضحك عليه .. لكن هاللحين اعصابها مشدوده واقل كلمه تنرفزها : لاتكذب ماعورتك ايدك ..
يزيد بطريقه طفوليه اشر على اصبعه : اذا مو مصدقتني المسيه وشوفي كيف ساخن من الالم ..
نور ببلاهه وبراءه لمست ايده تتاكد لان ايده لونها احمر.. كان اصبعه جد دافي لكن مو من الالم من ارتباكه وفرك ايديه ببعض طوال الوقت ..: جد يالمك ..
قالت كذا ورفعت عيونها لوجهه شافت ابتسامته الخبيثه وحست بغباءها وسذاجتها ضحك عليها .. لفت عنه بعصبيه : سخيف ..
يزيد قال من قلب : ههههههه اقسم بالله اني ماستاهل تراب رجلك ..
نور لفت عليه مستغربه يزيد الوسيم الواثق من نفسه يحكي كذا ..
يزيد ابتسم بحنان : لاتناظريني كذا يانور .. انتي حوريه من بنات الحور .. وماحلمت بيوم اكون مع وحده مثلك .. الله يقدرني واسعدك ..
نور اثر فيها الحكي وارتبكت اكثر
وحست بدقات قلبها تخونها وتدق بسرعه .. ((حوريه من بنات الحور ..))
يازينها على لسانه ..
حست انها شي غالي .. جوهره ثمينه محد يحصل عليها ..
دخل الغرور لنفسها .. ودخلت الموده بقلبها من جهه يزيد ..
يزيد كان اكثر من حالها وهو يشوف نظراتها الغريبه له .. وخجلها العذري ..
قال بهدوء : متى حابه الزواج ..؟شهر كفيك ..
نور بسرعه : شهررررررر .. لا ..
يزيد ابتسم بحنان : اي وقت .. تامر عليه حياتي ..وزوجتي .. وبنتي واختي ..وحبيبتي ..انا حاضر فيه
نور حمر وجهها اكثر هذا دنجوان عصره ..اسلوبه جذاب يسحر ..
اكيد له سوابق وغراميات من قبل .. بياع حكي ..
لكن مع كذا نفذت اللي براسها وقالت بعناد : بعد 7 شهور بالقليله ..
يزيد بفزع : 7 شهور .. حرااااااااام عليك يا قلبي 7 شهووووووور ..وش رايك بشهرين يكفيك تجهزي ..
نور كانت بتعترض لكن يزيد وقف وكمل حكيه ..: انا حجزت الصاله بعد شهرين .. يكون الشتاء خلص ودخلنا بالصيف ..
انحنى لعندها وباس جبينها بحركه مفاجاءه .. نور كانت مبسوطه انه ماباس جبينها قبل لايلبسها الدبله وضنته نسى لكنه ذاكرها ..
تراجعت لورى بسرعه مرعوبه ..
ضحك يزيد وهو يمشي لعند الباب ..اشر لها باي : بيننا تلفون باي ..على فكره انا بنوم ببيت اختي لحد مانتزوج *_^
طلع وتركها كان متاكد انها مستحيل تقبل تحاكيه .. لكنه بيحاول .. من اول لحضه شافها تبكي في المطبخ اسرته ..
وصارت هاجس بالنسبه له .. والسبب عفتها اللي صارت نادره ببنات حواء بنظره ..
...................................
شموخ الساعه عشره بالليل وهي نايمه بالغرفه البارده الصغيره .. بوسط الظلام ..
حست بايد تتحسسها .. صحت مفزوعه ..
ضنته نفس الرجال اللي كان يجيلها ببيتهم ..
لكن ياليت المصيبه هذي اليد دنستها وقضت على شرفها وانوثتها .. صرخت محد رد استنجدت .. مافيه رد ...
ريان ..؟
فيصل ...؟
سامي ...؟
محد حولها .. هي بس لوحدها ولازم تدافع عن نفسها ...
صرخت من جديد يمكن حد يسمعها ..
دخلت الممرضه وشغلت النور : بسم الله ايه مالك
شموخ فتحت عيونها كان حلم وحلم مزعج يضيق الصدر ..
ارتجفت شفايفها وبكت : ماااما .. ابغى ماااما ...
الممرضه المصريه بنظراتها الجامده : ماما في عينك ..انتي ايه مابتزهايش دموع ..
شموخ برجاء : تكفين ماما .. طيب مو لازم ماما .. بس ابغى غطاء بردانه
الممرضه : ايه ياروح ماما غطاء هو انتي اعده في فندق خمس نقوم .. دنتي مقنونه بيهنك البرد يعني ..نامي بدل ماعملك كهرباء تفباءك
شموخ سكتت وحاولت تدفي نفسها بننفسها .. تكورت وضمت رجلها لصدرها يمكن تدفى بهذا البرد ..
................................
ريان يسمع لمنى وهي تحكي ولايدري وش تقول ..؟ ومايهمه اصلا حكيها اللي يفجر الراس
كل تفكيره معها .. مع شموخ وبس ..
ياترى جوعانه والا شبعانه .. دفيانه والا بردانه .. تبكي والا ساكته ..
اكيد تتعذب اكيد كرهته اكثر ..
اخذ مفتاح السياره وبوكه وطلع ..مادرى انه ترك منى معصبه منه وهي تناديه من غير لاينتبه لها ..
دخل لبيتهم .. ظلام كئيب من دخل شموخ للمستشفى مادخله ينام ببيت منى .. حتى سامي مادخله ينام ببيت جده ..
من غير تفكير دخل لغرفه شموخ كان فيه ريحه معفنه خايسه فيها .. طنش ورمى جسمه على سريرها ..غمض عيونه حوالي سنه كامله من درى ان شموخ مو اخته ..
سنه ذاق عذاب ماقد جربه ..
فتح عيونه من جديد وناظر بالغرفه وحس ان محمد عبده ماقال الاماكن الا لشموخ بس ..
" الاماكن كلها مشتاقه لك "
: آآآه ياشموخ الله يرجعك لي سالمه ..
خنقته الريحه العفنه تلفت يناظر مصدرها .. شاف القطوه بيسو متجبسه وماتتحرك .. وشكلها ميته ..
حركها برجله كانت جد ميته .. قلبه انقبض مو علشان القطوه علشان شموخ ..
رفعها ورماها بالشارع بالزباله لان محد اهتم فيها هذي الايام اكل وشرب ماتت .. كان ريان .. مايفكر الا بشي واحد ..
يمكن مصير شموخ مثل قطوتها .. والله الموت ارحم له ..
قال بثقه واصرار .. : الله يرجعك لي سالمه يابنت عمي ..
{{ * على فكره ريان مايحق لك تقول لي لان شموخ مو لك
ريان معصب : اقول متكلحه اذا ماكلتي تبن أبدوس ببطنك ...
انا سااكت لك من زمان ..****
............................
دخل رياض للبيت شاف وعود مندمجه بتلفونها وهي متمدده على ظهرها وتناظر السقف وكانت معصبه .. تخيل لو انها كاترين كان خوفها وقفزت لكن هذي مستحيل .. هذي كويس فيها قلب يدق وينظم تنفسها والا ماتحس بارده .. يمشي بعروقها ثلج مو دم ..
دخل للغرفه بهدوء وعود غرقان بسواليف مع سجى والحدث المهم اللي تسمعه مانتبهت له .. وهي لحد هاللحين مادرت عن حركة ندى ... وهروبها ..
مصيبتها باللي تسمعه من سجى .. سجى حكت لها كل شي عن رياض وطريقه زواجه منها ..
وهي بافكارها دخلت للغرفه وشافت رياض يلبس قميص البيجامه شهقت :آآآآ
رفع راسه رياض ببرود وقال : وش عندك تشاهقي ..؟
وعود انحرجت مادرت انه موجود ومن متى اصلا
بدون نفس ..: ماعندي شي من متى انت هنا ..
رياض ناظرها باحتقار : حلوه هذي بيتي وادخل متى ماحب .. وبعدين انتي داريه عن حد..
داخل او طالع ..
انتي مشغوله بتلفوناتك ..من تحاكي..؟
وعود (( ايوه طلعني غلطانه ومقصره ياشينك ))
قالت وهي تفتح الدولاب تطلع شنطه كبيره منها : من بحاكي يعني بنات خالي ..واهلي ..
رياض : اللي يسمعك يقول خالك الوزير او السفير .. والا اهلك اللي اراضيهم ومؤسساتهم ماليه المملكه ..كلها سكير وفراش ..
وعود (( لاتهتمي لاتنجرحي هذا لسانه قذر مايثمن الحكي اللي يحاكيه ..حبيب كاترين الله ياخذها وياخذه ))
: آآآآآف انت وبعدين تراك طفرتني رافع خشتك على ايش ..؟
رياض ابتسم ببرود قدر ينرفزها : لاني بيني وبينك ندمان على اليوم اللي فكرت اتزوجك فيه او حطيتك ببالي انتي باختصار ماتستاهلي حد يناظرك
وعود عصبت من قلب وقالت وهي ترمي الشنطه على الارض وتدخل ثيابها فيها : وليييه تندم وتتعب نفسك انا بريحك على هالندم ,, احجز لي على اقرب طياره لشرقيه والله فراااقك عيد
رياض تمدد وغطاء نفسه بينام : حكي جديد..
وعود : ولا جديد ولا شي انت ندمان ..
وانا بريحك ..
ولو فيه طياره الليله يكون احسن ..
رياض بلامبالاه : بترجعي ارجعي .. ولاتنتظري مني اساعدك او احجزلك .. احجزي لنفسك ..
وعود (( كل الرجال زبااااااااااااااااااااااله وحقيرين ... ومافي رجال العالللللللللللم يستاهل نظره من اي مراءه ..
جعلك المرض انت وكاترين ..والله لايردك ..وفراقك عيد ))
: يله انتظر ..
رياض رفع الغطاء عن وجهه : وش اللي تنتظريه ..
وعود احتقرته : طلقني ..؟
رياض باستهزاء : عاجبك تطلقي مرتين ..
وعود باحتقار اكبر واستهزاء : والله هذي مشكلتي بعدين حرام اخرب عليك انت والكناري كاترين حياتكم انا مالي داعي اتركم احسن وانا الغريبه هنا .. وهذا انت انتقمت على قولتك وتزوجتني
رياض ببرود : امم انتقام اي انتقام اها ذكرتيني يابنت عمي ..
راح عن بالي ..ولايهمك اكمل انتقامي واتركك ببيت عمي معلقه لامتزوجه ولامطلقه ..
وعود حست ان رياض اسخف انسان شافته بحياتها ..وماعنده ماعند جدتي ..
قالت بدلع وبرود : طلقني ابغى اشوف حياتي .. انا مزيونه وماعلي .. ومليون يتمنوا ظفري ..
رياض ناظرها وهي ترمي الملابس بالشنطه معصبه والثلج تحرك ..(( وانا اشهد انك مزيونه ))
لكن احتقرها وضحك : ههههههه مزيونه وعافوك اثنين ...
عادي ماجرحها تعودت على لسانه القذر واليوم ماتبات بالرياض بعد اللي سمعته من سجى وهذا رياض يكمل عليها .. حست بالضعف والذل ..
رياض يتثاوب : لمي اغراضك وجودك وعدمه ماياثر فيني ..
وعود باحتقار : بيت ابوي اللي ضفني 24 سنه يضفني اكثر ..
ضنها تهدد وتبغاه يوقفها وترجع لكن هو مستحيل يوقفها بتخاف وترجع لكن الظاهر ماعرف كرامه الفقير باي درجه غاليه عليه ..
انصدم لما سمع الباب يتسكر بقوه ولغرفه ملائها الهدوء ..
رفع الغطاء ناظر مافيه احد .. بعد ثواني سمع صوت سياره السايق تتحرك ..
وقف بسرعه ولما طلع عند الباب كانت السياره برى القصر ..
طلعت ولا هتمت .. لهذي الدرجه قويه ..: ولعنتين جهنم الحمراء اللي تاخذك ..
.........
جلست وعود بالقطار لوحدها بعد ماناظرت الساعه 11 بالليل على ماتوصل تكون 2 بالليل ..
جد رجال ماعنده نخوه ولا رجوله ماهتم انها طالعه بهذا الوقت المتأخر ..
ناظرت بالناس اللي حولها وحست بدموعها تنزل كانت خايفه ..
لوحدها هنا وهي مراءه ضعيفه .. ندمت انها طلعت من عند رياض ..
لكن الوقت فات والقطار تحرك ...
.. مع كذا ماهي بندمانه انها تركت المزبله اللي بالرياض ...
............................
]
سامي : ايوه ياريان وش فيك نبيعه ..؟
ريان تافف : مانت بصاحي والناس حكيهم .. ابوي لسه ماجف ترابه نبيع البيت..
سامي ناظر ببيتهم الخالي : ياعمي من متى انت تهتم بحكي الناس .. والا تحب اذكرك ..
ريان : شموخ وامي لهم بالبيت وماتوقع بيقبلوا بالبيع ..
سامي ببرود : شموخ مجنونه ومحد ياخذ على حكيها و امي انا اقدر اقنعها ..
ريان بتفكير : لكن ابوي موصينا مانبيع البيت
سامي : ليه كتب وصيه هو علشان يوصي ..
ريان : لا بس حكى قبل كذا مانبيع ..
سامي : انا وامي وشموخ بنبيع وانت حر اشتري نصيبنا ..
ريان : انا لاااا ياعمي وش استفيد من هالبيت المعفن دامك بتبيع بيع .. واقنع امك ..
سامي : ولا يهمك محد يقدر عليها غيري ...
ريان : شموخ لها بالبيت احس انها مفروض تعرف وانت عارف انها مو مجنونه ...
سامي : ريانوه لاتشتغل علي انت عندك اللي يكفيك اما انا ماعندي فلا تستهبل
ريان : اوكيه بيع ..
.. تركه وطلع ...
سامي ناظر بالبيت ودق على مكتب عقاري يعرضه للبيع ..
............................
ربى استغربت من حالة راكان سرحان ومتضايق .. وحكت معه مارد عليها ولا انتبه لوجودها ..
هذا مو طبعه ولاقد كان مهموم كذا ..
: راكاااان راكاااااااااااااااااااااان ..
راكان : ......
ربى : لا حالته صعبه .. راكان راااااكان ..
راكان: ......
ربى وقفت قباله معصبه وصرخت : راكاااان
راكان ناظرها مستغرب: وش فيك ..؟
ربى : وش فيني حرام عليك فوق 17 اناديك ماترد علي ..
راكان : سوري ماكنت معك ..؟
ربى بخبث : اللي شاغل بالك .. نور صح
راكان ابتسم بقهر : نور .. نور راحت ..
ربى استغربت : كيف راحت ..؟
راكان بلع ريقه وقال بارتباك : اليوم ملكتها ..
ربى : ايش ملكتها .. كيف ..؟
راكان جلس على كراسي الطاوله مقهور : ملكت على يزيد ولد اخو زوج هواجس .. انا هنا مقطع حالي حب فيها وهي مع عشيقها ببيت اختها .. جد اني حمار ..
ربى : لا لاتتسرع يمكن مغصوبه عليك او
راكان باستهزاء قاطعها : لا ابشرك هي موافقه ومبسوطه .. امس حكيت معها .. تدرين وش قالت لي : انا مستحيل افكر فيك يالطباخ انت مو قادر تصرف على خالتي وخواتك تبغاني انتظرك .. خل ام السواليف والضحك تنتظرك ..
ماديه استغلاليه مافكرت الا بنفسها طلعت مثل الكل عند الفلوس عبده
ربى تذكرت عمر وحركته اللي عملها فيها : لاتضايق حالك ياراكان .. اللي باعك بيعه واللي عافك عوفه .. مافيه حد بهذي الدنيا مخللص او وفي الكل يدور على مصلحته
راكان وكرامته عازه عليه : المشكله حكت معي قالت لي بتكبر حسيتها مو نور اللي اعرفها ..
ربى بعقلانيه : قصدك نور البزر الصغيره .. الصغير يكبر ياراكان .. واكيد هي ناظرت بهواجس وحياتها المرفهه حبت تصير مثلها ..
راكان : وانا ..؟ انا اللي اعشقها ..اجمع بالريال على الريال علشانها ..ماقد فكرت حد بغيرها .. كذا ببرود تبعدني عن طريقها .. المشكله ادور لها مبرر ماحصل ..حسيت اني لحضات اكرها
ربى : لا يااراكان .. لاتترك الكره يدخل لقلبك انت الف من تتمناك
راكان بانفعال : بس انا ماتمنى الا هي .. ماتمنى غيرها ..
انا مو كذا ماني بحقود ولا متهور .. لكن اتمنى بهذي اللحضه اقتل هذا اللي تزوجته ..
ربى سكتت ماعندها رد عليه ..
وراكان سكت يفكر بصمت .. ماهانت عليه كرامته بعد ماحتقرت نور شغله ..
ربى صادقه الصغير يكبر ...
لكن في شي ياكل قلبه كل ماتذكر انها مع يزيد هاللحين وله حلاله .. تضحك معه .. تسولف عليه ..
.............................
رجعوا من الملكه هلكانات .. وكل وحده تدور سريرها .. نور هربت من اي اسأله لغرفتها ..
اما هواجس دخلت للغرفه الضيوف ... رمت عبايتها على الكنبه و وقفت تناظر النافذه بعد مابعدت الستاره ..
انتظرت بو ماهر تبغى تحاكيه عن البلاوي اللي عرفتها عن يزيد من بنت عمه ..
كيف ترضى لنور تتزوج واحد سكير مدمن مخدرات .. وصاحب بنات وسهرات .. اكيد مريض بمرض اعوذ بالله ..
انتظرت بو ماهر علشان توقف هذي المهزله ويطلق يزيد نور .. مهما كان بو ماهر مع الحق ومايرضى بالغلط ..
دخل يزيد وقرر ينام تحت لانه وعد نور ينام بيت اخته لكن مو اليوم على بكره ..وبعد لانه شارب كاسين خمر يعدل مزاجه ...
وقف للحضات يناظر هواجس وعرفها على طول اقتحرها وكانت اكره الناس بالنسبه له
قال باستهزاء : اوووه زوجة عمي الموقره هنا ..
لفت هواجس لما حست .. كان يزيد بثوب الملكه والشماغ واقف .. منعت شهقتها .. من متى هذا واقف ويناظرها بطريقه غريبه ..
قالت تكسر نظرته : لوسمحت اطلع لبرى ..
يزيد ناظرها بتامل من فوق لتحت ..باحتقار : انا بنام هنا ..
هواجس خافت منه ومن عيونه المحمره .. رفعت عبايتها ومشت تبغى تطلع لكن صوت يزيد القاسي وقفها : وين بدري ..؟
هواجس تاففت : مالك دخل ..
يزيد بخبث : لاتعمليلي فيها بنت بنوت .. فهد حكى لي كل شي ..
وقفت هواجس ولفت عليه بسرعه .. فهد حكى ليزيد عنهم ... لكن ايش اللي حكاه ..
يزيد كمل وهو يجلس ويحط رجل على رجل : حبيبك فهد .. عشيقك السري .. لاتضنيني ماعرف عن المعرض والرسومات .. وعن الدبدوب التافه وعن نافذ جولييت .. حتى عبدالرحمن بن مساعد وقصيدته اعرفها ..
هواجس ناظرته مصدومه من حكيه فهد حاله كل شي ...
يزيد ببرود : لا لاتناظريني كذا .. ماحبيتها منك يازوجت عمي والا اقولك عشيقه فهد ..
هواجس : كل تبن وانتبه لحكيك وبلا خرابيط مالها داعي ..
يزيد بخبث : خرابيط مالها داعي حرام عليك ..
لاتحاولي ياعشيقه فهد انا اعرف كل شي .. لاني باختصار .. انا اللي ارسلته لك .. انا اللي قلتله يوهمك بالحب التافه .. انا اللي دعمت معرضه .. وصرفت كل دولار دفعه شرب معك واكل معك .. كنت اعرف الامكان اللي تروحي فيها مع عمي وارسله لك ..
هواجس فتحت عيونها : ايش ..؟
يزيد هز راسها باستهزاء : ايوه ايوه .. كذا فهد كذاب ... فهد لعبها معك صح .. وانتي مع الاسف رخيصه .. وخفيفه بسرعه خنتي عمي و
هواجس : كذاااب انت كذاب ..
مشت بسرعه تطلع وتهرب من الحقيقه ...
يزيد : لا ياقلبي ماكذب ولا تتحركي من مكانك لانو مع الاسف كل لحضه قضيتيها مع فهد مصورها عندي .. كل موقف جمعكم سوا .. صورها عندي ..
هواجس وقفت هي تحتقره : كذاااب والله كذاااب ..لاتحاول
يزيد اشر عليها بتعالي : شايفه فستانك هذا...
انا دافع قيمته ..
صحيح فهد عمله خياط مخصوص لك على قولته علشان يضبط الدور وتصدقي انتي وامه تصدق ..
كان شوي ويصدق حاله .. لكن هذا الاتفاق ...
هواجس حست بدوخه وان رجلها ماعادت شايلتها .. جلست على اقرب كنبه بضعف ..
...ليه الزمن ضدها بكل شي حتى بفهد ..
حست ان الدنيا ضحكت عليها باستهزاء ...
يزيد بين اسنانه وبصوت قريب للهمس : ها ترى عمي زوجك انتبهي .. واذا بتشتري سكوتي نفذي اللي اطلبه بالحرف الواحد..
هواجس خافت منه واحتقرته بنفس الوقت : ليه ليه انت والنذل عملتوا كذا وش تستفيد ..؟
يزيد : وش استفيد .. ياحليلك والله .. انا اقولك وش استفدت ..
واحد .. تعرفي قدرك وماتطاولي على اسيادك .. يابنت ال والا بلاش مو لازم اغلط لان حنا بيكون بيننا عيش وملح ..*_^
هواجس فهمت تلميحه لكن حاولت تصفي نيتها : وش قصدك ..؟
يزيد بقوات عين .. : قصدي ماتوقفي بطريق نور اختك وتزينيني عندها .. ابغاها تشوفني انا وبس .. تجبريها تعشقني ..انا عارف انك دريتي عني كل شي .. من بنت عمي اليوم .. الشغاله سمعتكم وحكت لي
وفقت هواجس بعصبيه : ايوه دريت يالمدمن يالوقح .. انا عرفت عنك كل شي يزياله .. وانت تحلم مستحيل ازينك بنظر نور..
يزيد : حتى لو درى عمي وسجن ابوك وطردك انت واهلك بالشارع ..
هواجس قلبها دق بسرعه من الخوف .. : مستحيل انت تطلب المستحيل .. والله حرام نور حساسه و انت ماتنفع لها انا انتظرت عمك علشان يوقف هذي المصخره
يزيد : وانا بنتظره معك وينهي مصخرتك مع فهد بالمره ..
هواجس حست بالرعب من فكرة ان سعود يعرف عن فهد ..
هي تنازلت مره وضحت علشان نور ..وماحصلت من نور شي .. ليه تضحي بحياتها واللي حصلته مره ثانيه علشانها ..
قالت بحقد : اوكيه .. ابحليك بعيونها وبسكت ...
يزيد : ومهما قالت لك او اشتكت انا الصح وهي الغلط فاهمه
هواجس ضغطت على نفسها : اوكيه
يزيد إبتسم : حلو تقدري تضفي وجهك .. - بخبث - قبل لانسى يسلم عليك فهد لان طيارته بكره العصر
هواجس احتقرته .. وطلعت من عنده مقهوره ..
ودخلت لغرفتها شافت سعود نايم .. حست انها مو طايقته طلعت من الغرفه
ودقت على ندى وماردت ..
بعد ثواني ارسلت لها ندى
(( بحاكيك الصباح انا مشغوله هاللحين ))
دخلت غرفه امها ورمت نفسها بحضن امها تبكي ... بدون لاترد على تساؤلاتها الخايفه ..
كانت بهم نور مع يزيد القذر .. صارت بهمها وخيانه فهد لها ..
اول ماهدت ارسلت لندى مسج طويل فيه كل اللي اكتشفته عن فهد ... ندى الوحيده اللي تعرف بالموضوع ...
Bạn đang đọc truyện trên: ZingTruyen.Xyz